विराटनगरको लगातार तेस्रो जित, जनकपुरको दोस्रो हार

काठमाडौँ: नेपाल प्रिमियर लिग (एनपीएल)मा विराटनगर किंग्सले जनकपुर बोल्टमाथि अन्तिम ओभरमा जनकपुर किंग्सविरुद्ध रोमाञ्चक जित निकालेको छ। विराटनगरले जनकपुरलाई ९ रनले पराजित भएको हो।

जारी एनपीएलमा विराटनगरको यो निरन्तर तेस्रो जित हो।

यसअघि विराटनगरले गत शनिबार काठमाडौँ गोर्खाज र पहिलो खेलमा गत सोमबार पहिलो खेलमा पोखरा एभेन्जर्स पराजित गरेको थियो।

सोमबार भएको खेलमा टस हारेर विराटनगरले सुरुमा ब्याटिङ गर्दै विराटनगरले १३५ रन बनाएको थियो। १३६ रनको लक्ष्य पछ्याएको जनकपुरले निर्धारित २० ओभरको खेलमा नौ विकेट गुमाएर एक सय २६ रन मात्रै बनाउन सक्यो।

जनकपुरका लागि निकोल लेफ्टी इटनले ४१, लाहिरू मिलन्थाले २३, सञ्जय कृष्णमुर्तिले २० तथा आशिफ शेखले १३ रन बनाए। बलिङतर्फ विराटनगरका लागि कप्तान सन्दीप लामिछानेले ४ विकेट लिए। उनले चार ओभर बलिङ गर्ने क्रममा मात्र ११ रन खर्चिए। यस्तै सूर्य तामाङले दुई तथा मर्चेन्ट डे लाङले र शुभम रन्जनेले एक एक विकेट लिए। यसअघि त्रिवि अन्तरराष्ट्रिय क्रिकेट मैदान कीर्तिपुरमा टस हारेर पहिला ब्याटिङ गरेको विराटनगरले निर्धारित २० ओभरमा ७ विकेटको क्षतिमा १३५ रन बनायो।

विराटनगरका लागि शुभम रन्जनेले सर्वाधिक ३७ रनको योगदान दिए। उनले २९ बल खेल्दै दुई छक्का र दुई चौका प्रहार गरे। यस्तै बसिर अहमदले ३५ बलमा तीन छक्काको मद्दतमा ३६ रन बनाए। प्रारम्भिक ब्याटर लोकेश बमले २६ बल खेल्ने क्रममा एक छक्का र दुई चौका हान्दै २८ रनको योगदान दिए। यस्तै मार्टिन गुप्टिलले १३ र जर्ज मुन्सेले १० रन बनाए। विराटनगरका दुई ब्याटर रनआउट भए। बलिङतर्फ जनकपुर बोल्टस्का रूपेश सिंह र सङ्गीथ कुरेले दुई दुई तथा आदित्य महताले एक विकेट लिए।

यसअघि विराटनगरले पहिलो खेलमा पोखरा एभेन्जर्स र दोस्रो खेलमा काठमाडौँविरुद्ध जित दर्ज गरेको थियो। तेस्रो खेलमा जितेसँगै विराटनगर ६ अङ्कसहित शीर्ष स्थानमा पुगेको छ। अहिले ४ः०० बजेदेखि दोस्रो खेल सुदूरपश्चिम रोयल्स र कर्णाली याक्सबीच सुरु हुँदैछ।