गत वर्ष अन्तिममा रहेको लुम्बिनी लायन्सलाई उपाधि, सुदूरपश्चिम लगातार उपविजेता

काठमाडौं। लुम्बिनी लायन्सले सुदूरपश्चिम रोयल्सलाई पराजित गर्दै दोस्रो संस्करणको नेपाल प्रिमियर लिग (एनपिएल)को उपाधि जितेको छ।

कीर्तिपुरस्थित त्रिवि अन्तरर्राष्ट्रिय क्रिकेट रङ्गशालामा आज भएको खेलमा लुम्बिनी लायन्सले गत संस्करणको उपविजेता सुदूरपश्चिम रोयल्सलाई छ विकेटले पराजित गर्दै उपाधि जितेको हो।

सुदूरपश्चिम यसपट्क पनि उपविजेतामै रोकियो। पहिलो संस्करणको फाइन खेलमा सुदूरपश्चिम जनकपुर बोट्ल्ससँग पराजित भएको थियो। लुम्बिनी पहिलो् संंस्करणको अन्तिममा थियो। जितसँगै लुम्बिनस्m् एक करोड १० लाख रुपैयाँ हात पार्यो। उपविजेता सुदूरपश्चिमले ५१ लाख रुपैयाँमा चित्त बुझायो।

सुदूरपश्चिमले जितका लागि दिएको ८६ रनको लक्ष्य पछ्याएको लुम्बिनीले नौ ओभरमा चार विकेट गुमाउदै लक्ष्य पूरा गर्यो। लुम्बिनीका लागि दिनेश अधिकारीले सर्वाधिक ४२ रनको योगदान दिए। उनले १३ बलमा एक चौका र पाँच छक्का प्रहार गर्दै ४२ रनको योगदान गरेका हुन्।

यस्तै, डार्शी शर्टले १४ रन बनाए। उनले १३ बलमा तीन चौका प्रहार गर्दै १४ रन बनाए। कप्तान रोहित पौडेलले १६ रन बनाए। उनले १२ बलमा दुई चौका र एक छक्का प्रहार गर्दै १६ रन बनाएका हुन्। निरोशन डिक्वेलले ११ रनमा अविजित रहे। यस्तै, सन्दिप जोरा शून्यमा आउट भए।

बलिङतर्फ सुदूरपश्चिमका हेमन्त धामीले दुई विकेट लिए भने अविनाश बोहोरा र दिपेन्द्रसिंह ऐरीले समान एकरएक विकेट लिए।

यसअघि, टस जितेर पहिला ब्याटिङ रोजेको सुदूरपश्चिम १९ दशमलव एक ओभरमा सबै विकेट गुमाउँदै ८५ रनमा समेटिएको थियो। सुदूरपश्चिमका लागि इशान पाण्डेले सर्वाधिक ३३ रन जोडे। उनले ५१ बलमा एक चौकाको सहयोगमा ३३ रन जोडेका हुन्।

यस्तै, कप्तान दिपेन्द्रसिंह ऐरीले १३ रन बनाए भने हरमीत सिंह र स्कट कुगेलिइनले समान १०र१० रन जोडे। त्यसबाहेक अन्य ब्याट्सम्यानहरूले दोहोरो अंक रन जोड्न सकेनन्।

सुदूरपश्चिमलाई सस्तैमा समेट्ने क्रममा लुम्बिनी लायन्सका बलरहरूले उत्कृष्ट प्रदर्शन गरे। लुम्बिनीका लागि शेर मल्ल, रुबेन ट्रम्पेलमान र कप्तान रोहित पौडेलले समान तीन तीन विकेट हात पारे। यस्तै, टीका भन्डारीले एक विकेट लिए।