गगन नेतृत्वको कांग्रेसविरुद्ध देउवा समूहले दिएको रिटमा माघ ६ गते सुनुवाई

काठमाडौँ: विशेष महाधिवेशनबाट आएको गगन थापा नेतृत्वको नेपाली कांग्रेसलाई वैधानिकता दिने निर्वाचन आयोगको निर्णयविरुद्ध सर्वोच्च अदालतमा रिट दर्ता भएको छ। शेरबहादुर देउवा पक्षबाट कार्यवाहक सभापति पूर्णबहादुर खड्कासहितका नेताहरू आइतबार सर्वोच्च पुगेर रिट दायर गरेका हुन्।

उक्त रिटमाथि सुनुवाईका लागि माघ ६ गते पेसी तोकिएको सर्वोच्चका प्रवक्ता अर्जुनप्रसाद कोइरालाले जानकारी दिए।

गत आइतबारदेखि सुरु विशेष महाधिवेशनबाट बुधबार मध्यराति गगनको नेतृत्वमा  नयाँ केन्द्रीय कार्यसमिति निर्वाचिभएको थियो। विशेष महाधिवेशनबाट नयाँ कार्यसमिति गठन हुने भएपछि देउवा पक्षको केन्द्रीय कार्यसमितिले गगन थापा, विश्वप्रकाश शर्मा र फरमुल्लाह मन्सुरलाई कारबाही गरेको गरेको थियो।

विशेष महाधिवेशनको विवरण र देउवा पक्षबाट कार्यवाहक सभापति पूर्णबहादुर खड्काले पेस गरेको विवरण अध्ययनपछि शुक्रबार आयोगले थापा थापा समूहलाई वैधानिकता मान्यता दिएको थियो।

आयोगको उक्त निर्णयविरुद्ध शनिबार बसेको देउवा समूहको कांग्रेस केन्द्रीय कार्यसमिति बैठकले सर्वोच्च जाने निर्णय गरी आइतबार बिहानै सर्वोच्च पुगेको हो।