बेबिलोन स्कुलमा नर्सिङ सेवा

काठमाडौँ- काठमाडौँको शान्तिनगरस्थित बेबिलोन राष्ट्रिय स्कूलले विद्यालयमा नर्सिङ सेवा सुरु गरेको छ। विद्यालयमा नर्सिङ सेवा फलदायी र प्रभावकारी बन्दै गएको सो स्कुलले जनाएको छ।

विद्यालयले नर्सिङ सेवाका लागि एकजना नर्स नियुक्त गरेको छ भने विद्यार्थीको उपचार र नियमित स्वास्थ्य जाँचका लागि एउटा अलग्गै उपचार कक्ष बनाएको छ।

‘स्कुलमा ससना बालबालिकादेखि टिनएजनसम्म छन्, उनीहरुको स्वास्थ्य अवस्थाको ख्याल रहोस् र आकस्मिक रुपमा केही घटना–दुर्घटना भएमा स्कुलभित्र प्रारम्भिक उपचार सम्भव होस् भनेर हामीले नर्सिङ सेवा सुरु गरेका हौं’, बेबिलोन राष्ट्रिय स्कुलका प्रिन्सिपल राजु राईले भने, ‘स्कुल व्यवस्थापन विद्यार्थीको स्वास्थ्य सुरक्षामा सचेत छ।’

बेबिलोन स्कुलमा नियुक्त नर्स विपाशा पौडेलले एउटा तालिका बनाएर आफूले विद्यार्थीहरुलाई स्वास्थ्य शिक्षा प्रदान गर्ने र आकस्मिक रुपमा स्कुलमा कुनै विद्यार्थी भएमा त्यसो प्राथमिक उपचार गर्ने काम भइरहेको बताइन्। भनिन्– यदि कुनै स्वास्थ्यकै कारण स्कुलमा उपस्थित भएको छैन भने त्यसको थप उपचारका लागि अग्रसरता देखाउने काम पनि हामीले गर्छौं।