उदयपुरमा ब्रेक फेल भएर बस दुर्घटना, १५ जना घाइते
नेपाल क्लिक्स
उदयपुर: उदयपुर जिल्लाको उदयपुरगढी गाउँपालिका–७ अधेरी जोगी टोलस्थित मदनभण्डारी लोकमार्गमा सोमबार दिउँसो बस दुर्घटना हुँदा १५ जना घाइते भएका छन्। कटारीबाट गाईघाटतर्फ आउँदै गरेको बा २ ख ६२५७ नम्बरको ओखलढुङ्गे बस अन्दाजी ११:५० बजे अचानक ब्रेक फेल भई सडकबाट करिब ३०/४० फिट तल खसेको थियो।
दुर्घटनालगत्तै सशस्त्र प्रहरी बल नेपाल नं. ५ गण, त्रियुगा उदयपुरबाट सशस्त्र प्रहरी नायव उपरीक्षक भुवन भण्डारीको कमाण्डमा १३ जनाको क्यूआरटी टोली र अस्थायी प्रहरी पोस्ट संगमचोकबाट प्रहरी निरीक्षक तिलक पौडेलको कमाण्डमा ६ जनाको संयुक्त टोली घटनास्थलमा खटिएको थियो।
घाइते सबैलाई उद्धार गरी जिल्ला अस्पताल उदयपुरमा उपचारका लागि ल्याइएको छ। घाइतेमध्ये सोममाया मगर (७३) र सोममाया परियार (६०) गम्भीर घाइते भएका छन् भने अन्यको अवस्था सामान्यदेखि मध्यम रहेको जनाइएको छ।
दुर्घटनामा संलग्न बस घटनास्थलमै रहेको छ। बस चालक कटारी नगरपालिका–४ का ४५ वर्षीय विक्रम राईलाई प्रहरी चौकी संगमचोकले नियन्त्रणमा लिएको छ। दुर्घटनास्थल सशस्त्र प्रहरी बल नं. ५ गणबाट करिब २०/२२ किलोमिटर पश्चिमतर्फ पर्दछ।
घटनाबारे थप अनुसन्धान भइरहेको सशस्त्र प्रहरी बलले जनाएको छ।
चक्रवाती आँधीको प्रभावले हवाई उडान प्रभावित हुन सक्ने, सतर्कता अपनाउन प्राधिकरणको आग्रह
प्रधानमन्त्री विपद् कोषमा कति रकम आयो? कति खर्च भयो? समितिले खोज्यो हिसाब
अर्नब चक्रावत: नारायणगढ–मुग्लिनसहित प्रमुख राजमार्गमा पहिरोको जोखिम
त्रिवि मैदान बाहिर सानो व्यापार, ठूलो राहत : कुमारीको मुहारमा चमक
भारत–चीन जोड्ने कर्णाली करिडोर: व्यापार, पर्यटन जलविद्युतको सम्भावना
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
