नवलपरासी मेरो घर हो,यहीँ उद्योग खुल्छ,रोजगारी सिर्जना हुन्छः विनोद चौधरी

नवलपरासी। नेपाली काङ्ग्रेसका तर्फबाट नवलपरासी क्षेत्र नम्बर १ का उम्मेदवार विनोद चौधरीले मुलुकमा स्थायी सरकार निर्माणका लागि पार्टी भित्रै बिद्रोह गर्नु निकै चुनौतीको अवस्था रहेको बताए ।

विगत ३० वर्षको अवधिमा ३६ सरकार बने पनि अस्थिर सरकारले जनतालाई न्याय दिन नसकेको उनले बताए। चुनाव प्रचार प्रसारका क्रममा आज प्रतापपुर र सुस्ता पुगेका चौधरीले कोण सभामा बोल्दै अस्थिर सरकारका कारण नागरिकको निरासा जेनजी आन्दोलनमा परिणत भएको बताए।

आज लाखौ युवा विदेशीनु पर्दा दिनहुँ जसो तिनका आमाबुबाका आँखामा आँसु हुने गरेको बताउदै उनले यहि नै लघु उधमको विकास गरी रोजगारी सिर्जना गर्नु पर्नेमा जोड दिए।

हरेक युवालाई सपना देख्ने अधिकार छ,स्थानीय स्तरमै रोजगारीको अवसर पाउनु पर्ने अधिकार छ,त्यो वातावरण हामिले बनाउछौ,बदलिएको काङ्ग्रेसले बनाउछ उनले भने।

देशमा देखिएका विद्यमान सबै समस्याको हल गर्न नै काङ्ग्रेसले नेतृत्व बदलेर जनतामाझ आएको उनले बताए।

पछिल्लो समय आफ्ना बारे समाजमा भ्रम छर्ने र नकारात्मक हल्लाहरु फिजाई विचलित पार्ने प्रयासहरु भैरहेकाले त्यस्ता भ्रममा नपरी हरेक नागरिक आफूसँग जोडिन सक्ने,प्रश्न गर्न सक्ने वातावरण आफुले बनाएको चौधरीले बताए।मतदाताहरुलाई नकारात्मक हल्लाको पछाडि नलाग्नसमेत उनले आग्रह गरे।

केराको चिप्स उद्योगको विषयलाई लिएर राजनीति रुपमा रोटी सेक्न खोजिएको बताउदै उनले निकट भविष्यमै उधोग स्थापना हुने दावी गरे।

जुन क्षेत्रलाई मैले आफ्नो घर ठानेको छ र विदेशमासमेत उद्योग कलकारखाना खोल्ने उद्योगीले आफ्नो क्षेत्रमा अवश्य पनि उद्योग खोल्छ,रोजगारी दिन्छ,ढुक्क हुनुस उनले भने।