युरो छनोटः पोर्चुगलको जित, नर्वे पराजित, हारबाट जोगियो बेल्जियम

काठमाडौं – युरोपको सबैभन्दा ठूलो र प्रतिष्ठत महादेशिय फुटबल प्रतियोगिता युरो कप छनोटमा शनिबार राति पोर्चुगलले जित निकालेको छ। पोर्चुगलकै घरेलु मैदानमा सम्पन्न भएको खेलमा बोसनिया हर्जगोभिनामाथि ३–० जित निकालेको हो।

पोर्चुगललाई जित दिलाउन ब्रुनो फर्नान्डेसले दुई र बर्नान्डो सिल्भाले एक गोल गरेका थिए।

गएरातिकै अर्को खेलमा भने नर्वेले स्कटल्यान्डसँग २–१ को हार बेहोरेको छ। नर्वेका लागि एकमात्र गोल इर्लिङ हाल्यान्डले गरेका थिए। पेनाल्टीमा पाएको अवसरमा उनले गोल फर्काएका हुन्।

छनोटअन्तचर्गत बेल्जियममा भएको खलमा भने एक गोलले पछि रहेको अवस्थाबाट रोमेलु लुकाकुले गोल गर्दै घरेलु टिमलाई हारबाट जोगाएका छन्। अष्ट्रियाविरुद्धको खेलको २० औं मिनेटमै ओरेल मंगलाजाले आत्मघाति गोल गरेपछि बेल्जियम एक गोलले पछि थियो। खेलको ६१ औं मिनेटमा लुकाकुले गोल फर्काएका थिए।

गएरातिकै बाँकी खेलमा अल्वानिया, जर्जिया र स्लोभाकियाले जित निकालेका छन्।