वेस्ट इन्डिजसँग १०१ रनले नेपाल पराजित

काठमाडौँ- नेपालले वेस्ट इन्डिजसँग १०१ रनको हार बेहोरेको छ। ३४० रनको लक्ष्य पछ्याएको नेपाल ४९ ओभर चार बल खेल्दै सबै विकेट गुमाएर २३९ रनमा समेटिएपछि नेपालले १०१ रनको हार व्यहोरेको हो।

नेपालका लागि आरिफ शेखले सर्वाधिक ६३ रन बनाएका थिए। तर खेलभर नेपाल वेस्ट इन्डिजको दबाबमा रह्यो। यससँगै नेपालले आईसीसी विश्वकप छनोटमा आफ्नो दोस्रो हार व्यहोरेको छ।

नेपालका ओपनर कुशल भुर्तेललाई अल्जारी जोशेफले र तेस्रो नम्बरमा मैदान पसेका भीम सार्कीलाई ज्यासन होल्डरले आउट गराएका थिए। यसरी जिम्बावेमा भइरहेको छनोटको तेस्रो खेलमा नेपालले दुई विकेट गुमाएर ब्याटिङमा कमजोर सुरुआत गरेको थियो।

नेपालले २३ रन बनाउँदै दुई विकेट गुमायो र मैदानमा टिकेर खेल्न सकेन। ओपनर कुशलले पाँच रन मात्र बनाउन सके भने भीमले पनि सात बल खेलेर दुई रन जोडे। खेलमा आसिफ शेखले २८, रोहित पौडेलले ३० र कुशल मल्लले २ रन बनाए।

दिपेन्द्र सिंह ऐरीले २३, सन्दीप लामिछानेले १ र गुल्सन झाले ४२ रन बनाएका थिए।

नेपालविरुद्ध वेस्ट इन्डिजका ज्यासन होल्डरले तीन विकेट लिँदा अल्जारी जोशेप, किमो पउल र अकिल होसेनले समान दुईदुई विकेट लिए। केलीले पनि एक विकेट गिराए।
पहिलो पारीमा नेपाली फास्ट बलर करण केसीले वेस्ट इन्डिजको पहिलो विकेट लिएको केही समयमै युवा बलर गुल्सन झाले नेपालका लागि दोस्रो विकेट गिराए। पावर प्ले सकिएपछि बलिङमा देखिएका सन्दीप लामिछानेले पनि खेलको १६ औं ओभरमाविकेट लिएका थिए।

वेस्ट इन्डिजका प्रभावसाली ब्याटरहरु ज्यासन चार्ल्स, केली मयर्स र ब्रन्डन किंग आउट भएपछि नेपाली बलिङले केही राम्रो सुरुआत पाएको थियो। यता, वेस्ट इन्डिजले भने ५५ रन मात्र बनाउँदा तीन विकेट गुमाइसकेको थियो।

तर, त्यसपछि मैदानमा निकोलस पुरन र साही होपले नेपाली बलिङ युनिटलाई नै नाकाम बनाइदिए। उनीहरुले नेपालविरुद्ध सानदार सतक नै प्रहार गरे।

होपले शतक पुरा गरेको केहीमिनेटमै निकोलस पुरनले पनि सतकप्रहार गरेर वेस्ट इन्डिजको अंकलाई २७१ रनमा पुर्याएका थिए। खेलमा सात ओभर बाँकी रहँदा निकालेस पुरन आउट भए। खेलको पहिलो पारीमा वेस्ट इन्डिजले सात विकेट गुमाउँदै २३९ रन बनाएपछि नेपालले ३४० रनको लक्ष्यपाएको थियो।

नेपालका लागि ललित राजवंशीले तीन विकेट लिएभने करण, गुल्सन, सन्दीप र दिपेन्द्र सिंह ऐरीले समान एकएकविकेट लिए।

गुल्सनले आफ्नो पहिलो तथा खेलको पाँचौ ओभरमा वेस्ट इन्डिजको ज्यासन चार्ल्सलाई आउट गराए भने चार बलमा एक रन बनाएका केली मयर्सलाई करणको बलमा कुशल भुर्तेलले क्याचआउट गराएका थिए।

तेस्रो नम्बरमा मैदान प्रवेश गरेका ज्यासनले ६ बल खेल्दाकुनै रन जोड्न सकेका थिएनन्। उनलाई झाले विकेट किपर आसिफ शेखको हातबाट क्याच गराए। दोस्रो विकेट गुमाउँदा वेस्ट इन्डिजको खातामा ९ रन थियो। चार बलमा एक रन बनाएका केली मयर्सलाई करणले पवेलियन फर्काएका थिए।

त्यस्तै, बलर सन्दीप लामिछानेले वेस्ट इन्डिजका ओपनर ब्रान्डन किंगलाई आउट गराएका थिए। ४२ बलमा ३२ रन बनाएका किंगलाई लामिछानेले १६ औं ओभरको तेस्रो बलमा आउट गराएका हुन्।

१६ औंओभर पछिको बलिङले विकेट लिन सकेन। बरु साही होप र निकोलस पुरनले उत्कृष्ट पारी खेले। नेपालविरुद्ध वेस्ट इन्डिजले २२ औं ओभरमा सय रन पुरा गरेको थियो।

धेरै प्रयास गर्दा पनि नेपाली बलरले उनीहरुको साझेदारी तोड्न सकेनन्। उनीहरु दुवैले सतकप्रहार गरे। १०७ बलमा सातचौका र दुई छक्काका साथ सतक पुरा गरेकाहोपले १३२ रन बनाए। मैदानमा चौथो नम्बरमाप्रवेश गरेका होप र पाँचौ नम्बरमा प्रवेश गरेका पुरनले सँगसँगै शतक प्रहार गरेका हुन्।

निकोलसले भने ८१ बलमा सतक पुरा गरेका भने खेलअवधिभरी १० चौका र चार छक्काको सहयोगमा ११५ रन बनाए। जिम्बावेको राजधानीमा रहेको हरारे स्पोर्टस् क्लबमा सम्पन्न खेलको ४४ औं ओभरमा दिपेन्द्र सिंह ऐरीले यि खेलाडीको साझेदारी तोडेका थिए। तर बाहिरिनु अघि उनीहरुले दोहोरो शतकको साझेदारी गरिसकेको थिए।

टिमको स्कोर २७१ भएपछि ऐरीको बलबाट निकोलस आउट भए। रोमन पावेल (२९ रन)लाई ललितले डगआउट फर्काएदिए। किमो पावेल पनि ललितकै शिकार भए। उनले एक रन मात्रबनाउन सके। त्यस्तै, होपलाई पनि ललितले नै आउट गराएका थिए। उनले १० चौका र तीन छक्का चट्काए।