विवेक ‌ओझाको कथा सङ्ग्रह ‘मौन कोलाहल’ सार्वजनिक

काठमाडौँ: मदन पुरस्कार विजेता लेखक विवेक ओझाको पहिलो कथा-सङ्ग्रह ‘मौन कोलाहल’ बजारमा आएको छ। शनिबार मण्डला नाटकघरमा आख्यानकार नयनराज पाण्डे, अभिनेता दयाहाङ राई र अनुवादक सगुना शाहले संयुक्त रूपमा किताब विमोचन गरे।

ओझाको यसअघि ‘एक पाइला आकाशमा’ गजल सङ्ग्रह, ‘ऐलानी’ र ‘ऐँठन’ उपन्यास प्रकाशित रहेकोमा कथा विधामा यो उनको डेब्यु हो। ऐँठनले २०७९ सालको मदन पुरस्कार जितेको थियो।

‘मौन कोलाहल’मा अम्मल, डिडीमम्मा, मुर्दाघर, क्यानभासभित्र, पिरिम, रुखको छाया र प्रेमको जरालगायत ९ कथा सङ्ग्रिह तछन्।

सङ्ग्रहभित्र समाजभित्र लुकेका संवेदना, सामाजिक ढोंग, नैतिक द्वन्द्व, मानवीय अस्तित्व र चेतनाको अन्धकारलाई दार्शनिक शैलीमा प्रस्तुत गरिएको छ। ओझाका कथामा घटनाको सिलसिलेवार वर्णनभन्दा त्यसले पात्रको चेतनामा पार्ने प्रभाव, भय, रिक्तता र स्मृतिलाई प्राथमिकता दिइएको पाइन्छ।

साङ्ग्रिला बुक्सले प्रकाशन गरेको ‘मौन कोलाहल’को मूल्य ४९५ रुपैयाँ रहेको छ।