के नेयमार पीएसजीका समस्या हुन्?

काठमाडौँ- फ्रेन्च क्लब पेरिस सेन्ट जर्मेनका लागि वर्षको सुरुवात ठिकठाक भएन। टिमका स्टार खेलाडी नेयमारको अनुपस्थितिसँग जोडेर टिमको पुनरुत्थानका विषयमा चर्चा हुन थालेको छ। अहिले क्लबका केही प्रशंसक चकितसमेत छन्।

उनीहरुलाई लाग्न थालेको छ- फ्रेन्च च्याम्पियन ब्राजिलयन स्टार नहुँदा नै बलियो टिम बन्नेछ। लिग वान अन्तर्गत रेन्नस, लेन्स र मोनाको विरुद्धको अप्रत्यासित हार, च्याम्पियन लिगको पहिलो लेगमा वायर्न म्युनिखसँगको पराजय र फ्रेन्च कपमा मार्सेलीसँगको पराजयका कारण पीएसजीमा चिन्ता थपिएको हो।

नेयमारले चोट बोक्न पुगेको घरेलु लिग अन्तर्गत लिलेविरुद्धको खेलमा लियोनल मेस्सीको शानदार ‘फ्री-किक’को सहयोगमा पीएसजीले ४-३ को कठिन जित निकालेको थियो। यस्तै मार्सेलीविरुद्ध भने पीएसजीले ३-० को सहज जित दर्ता गरायो।

त्यसो त नेयमार नहुँदाका बखत टिममा सन्तुलन बढेको विश्वास गर्नेहरूको पनि कमी छैन। नेयमार अनुपस्थित रहेको मार्सेलीविरुद्धको खेलमा नेयमार उपस्थित थिएनन्। तर, उनको अनुपस्थितिमा टिमले सन्तुलित पास खेलेको थियो र आक्रमण पनि धारिलो देखिन्थ्यो।

नेयमारको क्षमतामाथि शंका गर्ने वा प्रश्न उठाउने ठाउँ छैन। तर मेस्सी र एम्बाप्पेबीचको तालमेल नेयमारको अनुपस्थितिमा राम्रो देखिएको भने पक्कै हो। जब मेस्सी पीएसजी आए तब नेयमार नहुँदा टोलीले २८ खेलमा २२ जित दर्ता गरेको छ। जुन ७८.७५ प्रतिशतको जितदर हो।

नेयमार व्यावसायिक फुटबलको इतिहासका सबैभन्दा महँगा खेलाडी हुन्। र चर्चा चल्न थालेको छ, आगामी सिजनमा पीएसजीलाई नेयमारलाई ट्रान्सफर मार्केटमा राख्न सक्नेछ। पीएसजीले सन् २०१७ मा बार्सिलोनाबाट नेयामार अनुबन्ध गर्दा २२२ मिलियन यूरो तिरेको थियो। आजका दिनमा त्यो मोटो रकम नेयमारको विक्रिबाट उठ्न नसक्ने कुरा पीएसजीले बुझेकै छ। तर पनि नेयरमालाई अनुबन्ध गर्ने कुरा अन्य टोलीका लागि सहज काम भने होइन। केही सीमित टोली छन्, जसले नेयमारको ट्रान्सफर मूल्य तिर्न सक्छन्।

यस्तोमा नेयमारसँग नाम जोडिएको एउटा टोली हो- इंग्लिस क्लब चेल्सी। चेल्सीले नेयमार अनुबन्ध गर्न चासो देखाएको छ। चेल्सीले नेयमारलाई ६० मिलियन यूरो तिरेर अनुबन्ध गर्ने प्रयास गरिररहेको छ।

–मार्काबाट