कर्णाली डेभलपमेन्ट बैंकका ३५ सेयरधनीको सेयरपूँजी १ प्रतिशतमा झारिएको विवरण पुनः सार्वजनिक

काठमाडौँः समस्याग्रस्त कर्णाली डेभलपमेन्ट बैंकका ३५ जना सेयरधनीको सेयरपूँजी घटाइएको विवरण आज सार्वजनिक गरिएको छ।

नेपाल राष्ट्र बैंकबाट गठित व्यवस्थापन समूहले यसअघि नै सम्बन्धित सेयरधनीहरूको सेयरपूँजी घटाइसकेको भए पनि कम्पनी रजिस्ट्रारको कार्यालयले प्रबन्धपत्र संशोधनका क्रममा तथा अभिलेखीकरणका लागि सम्पूर्ण विवरण माग गरेपछि उक्त सूचना प्रकाशित गरेको व्यवस्थापन समितिका संयोजक विष्णु विश्वकर्माले जानकारी दिएका हुन्।

व्यवस्थापन समूहले सार्वजनिक गरेको सूचनाअनुसार संस्थापक सेयरधनीतर्फ २५ जना र सर्वसाधारण सेयरधनीतर्फ १० जनाको सेयरपूँजी घटाएर एक प्रतिशत कायम गरिएको छ।

यो सेयर कटौतीको नयाँ निर्णय भने होइन। यसअघि नै गरिएको पूँजी कटौतीलाई कम्पनी रजिस्ट्रारको कार्यालयमा अभिलेखीकरण गर्ने प्रक्रियाका लागि आवश्यक विवरण सार्वजनिक गरिएको हो।

बैंकको सम्पत्ति तथा दायित्व मूल्यांकन (डीडीए) गर्दा चुक्ता पुँजी क्षय भएको र सम्पत्तिले दायित्व नखाम्ने देखिएको छ।

यस्तै ३५ जना सेयरधनीको चुक्ता हुनुपर्ने सेयर पुँजीवापतको रकम अवैधानिक रुपमा चुक्ता भएको देखिएको बैंक व्यवस्थापन समूहले जनाएको छ।

नेपाल राष्ट्र बैंकले २०८१ साल पुस १० गते कर्णाली डेभलपमेन्ट बैंकलाई समस्याग्रस्त संस्था घोषणा गरेको थियो। त्यसपछि बैंकको व्यवस्थापन तथा सञ्चालन राष्ट्र बैंकबाट नियुक्त व्यवस्थापन समूहले गर्दै आएको छ।

व्यवस्थापन समूहले बैंकको सम्पत्ति तथा दायित्वको मूल्यांकन गर्दा संस्थाको चुक्ता पूँजी क्षय भएको र सम्पत्तिले दायित्व धान्न नसक्ने अवस्था देखिएको थियो। साथै, केही सेयरधनीबाट चुक्ता हुनुपर्ने सेयर पूँजीबापतको रकम अवैधानिक रूपमा चुक्ता भएको देखिएपछि संस्थाको पुनर्संरचना गर्ने क्रममा सम्बन्धित सेयरधनीहरूको पूँजी घटाइएको थियो।

नेपाल राष्ट्र बैंक ऐन, २०५८ को दफा ८६ ङ को उपदफा (१) को खण्ड (च) तथा (ज) र दफा ८६ बमोजिम उक्त सेयरपूँजी घटाइएको व्यवस्थापन समूहले जनाएको छ।

घटाइएको चुक्ता पूँजी कम्पनी रजिस्ट्रारको कार्यालयमा अभिलेखीकरण गर्ने प्रक्रिया अघि बढाइएको छ। यसका लागि कम्पनी ऐन, २०६३ को दफा ५८ को उपदफा (२) बमोजिम सुनुवाइ प्रयोजनका लागि आगामी २०८३ साल मङ्सिर ९ गते उच्च अदालत तुलसीपुर, नेपालगञ्ज इजलासमा सुनुवाइ हुने भएको छ।

सेयरपूँजी घटाउने प्रक्रियामा कुनै सेयरधनीको दाबी वा विरोध भए आवश्यक सबुद प्रमाणसहित सुनुवाइमा उपस्थित हुन व्यवस्थापन समूहले आग्रह गरेको छ।

क–कसको सेयर घटाइएको हो?

व्यवस्थापन समूहले सार्वजनिक गरेको विवरणअनुसार संस्थापक सेयरधनीतर्फ २५ जना र सर्वसाधारण सेयरधनीतर्फ १० जना गरी कुल ३५ सेयरधनीको सेयरपूँजी घटाइएको छ।

संस्थापक सेयरधनीतर्फ राजेन्द्रवीर राय, पशुपति दयाल मिश्रा, तारा गुरुङ्ग, असन्त वीर राय, ओमप्रताप राणा, विष्णु प्रसाद कक्षपती, ओम प्रकाश आजाद, रिजेन्द्रवीर राय, रुजेन्द्र वीर राय, डा. उषा शाह, मोहनराम मिश्रा, शंकर दयाल मिश्रा, मनकुमारी चौधरी, असन्तवीर राय, ओमप्रकाश आजाद, टंकबहादुर बस्नेत, पशुपति दयाल मिश्रा, उषा राणा शाह, कमला विक, युवराज अधिकारी, ओमप्रकाश मिश्रा, सुनौलो इन्भेष्टमेन्ट प्रालि, नानी गुरुङ्गसेनी र तारा गुरुङ्गको सेयरपूँजी घटाइएको छ।

सर्वसाधारण शेयरधनीतर्फ युवराज अधिकारी, तारा गुरुङ्ग, ओम प्रकाश आजाद, तारा गुरुङ्ग, नानी गुरुङ्गसेनी, सुनौलो इन्भेष्टमेन्ट प्रालि, राजेन्द्र वीर राय, युवराज अधिकारी, टंक बहादुर बस्नेत र ओम प्रकाश आजादको शेयर पुँजी घटाइएको छ।

उल्लेखित शेयरधनीहरूको शेयर पूँजी घटाएर एक प्रतिशत कायम गरिएको व्यवस्थापन समूहले जनाएको छ। कम्पनी रजिस्ट्रारको कार्यालयले माग गरेअनुसार आवश्यक विवरण सार्वजनिक गरी सेयर कटौतीसम्बन्धी निर्णयको अभिलेखीकरण