एनआरएनए जापानलाई एकताबद्ध गर्न उपाध्यक्षमा लामिछानेको दाबी

जापान (टोकियो)- जापानमा रहेर व्यावसायमा सक्रिय युवा सुवास लामिछानेले गैरआवासीय नेपाली संघ (एनआरएनए) जापानको उपाध्यक्षमा आफ्नो उम्मेदवारी घोषणा गरेका छन्।

यसअघिको एनआरएनए कार्यसमितिमा प्रवक्ताको भूमिका निर्वाह गरेका लामिछानेले एनआरएन जापानलाई एकताबद्ध र सकारात्मक रूपमा थप क्रियाशील बनाउने उद्देश्यसहित आफूले उम्मेदवारी घोषणा गरेको बताएका हुन्।

‘मेरो एजेण्डा भनेकै सक्रिय र एकताबद्ध एनआरएन हो’, उम्मेदवारी घोषणापछि नेपाल क्लिक्ससँग कुराकानी गर्दै उम्मेदवार लामिछानेले भने, ‘हामीलाई अहिले जिम्मेवार र उत्तरदायी नेतृत्वसँगै संस्थागत सुधारका पक्षमा पनि काम गर्नुपर्नेछ।’

जापान बसेर लामो समयदेखि व्यवसायका अतिरिक्त नेपाल कला र संस्कृतिको व्यवसायिक प्रवद्र्धनका लागि सक्रिय लामिछानेले एनआरएनएमा जापानमा रहेका बढिभन्दा बढि नेपालीको सहभागीको पक्षलाई आफ्नो प्राथमिकतामा राखेका छन्। भन्छन्, ‘धेरै समेटिएको एकता अझै बलियो र दीर्घकालीन हुन्छ। त्यतिबेला संस्था पनि बलियो हुन्छ।’
उनले प्राथमिकतालाई हेरेर एनआरएन जापानका सदस्यहरु समक्ष आफूलाई साथ दिन आग्रह समेत गरेका छन्।