एसीसी इमर्जिङ कप क्रिकेटः नेपाल भरत एसँग पराजित

काठमाडौं – नेपाल सोमबार राति एसीसी इमर्जिङ टिम्स एसिया कपमा भारत ए ९ विकेटले पराजित हुदै प्रतियोगिताको समूह चरणबाट बाहिरीएको छ।

श्रीलंकाको आर प्रेमदासा रंगशालामा भएको खेलमा नेपाललाई हराएर भारत सेमीफाइनल प्रवेश गरेको छ।

पहिलो पारी खेल्दै नेपालले दिएको १ सय ६८ रनको लक्ष्य भारत ए ले २२ दशमलब १ ओभरमा १ विकेट गुमाएर पूरा गरेको थियो। भारत ए का लागि अभिषेक शर्माले ८७ रनको अर्धशतकीय ईनिङ खेलेभने साई शुदर्शनले अविजित ५८ रनको अर्धशतकीय पारी खेलेपछि भारतको जित निश्चित भएको हो।

नेपालका लागि एकमात्र विकेट कप्तान रोहितकुमार पौडेलले लिए ।

त्यसअघि टस जितेर ब्याटिङ रोजेको नेपालले ३९ दशमलब २ ओभरमा १ सय ६७ रनमा अलआउट भएको थियो। नेपालका लागि कप्तान रोहितकुमार पौडेलले ८५ बलमा ६५ रन बनाएका थिए।

भारत ए का लागि निशान्त सिन्धुले ४, राजवर्धन हंगागेकारले ३ तथा हर्षित रानाले २ विकेट लिए।

त्यस्तै अर्को खेलमा ओमानलाई पराजित गर्दै पाकिस्तान पनि सेमिफाइनल प्रवेश गरेको छ। अब नेपालले समूह चरणको अन्तिम खेलमा बुधबार युएई ए सँग खेल्नेछ।