मन्त्रीका विषयमा पार्टीमा छलफल भएकै छैन : गगन थापा
Untitled
काठमाडौं- नेपाली कांग्रेसका महामन्त्री गगनकुमार थापाले पुष्पकमल दाहाल नेतृत्वको सरकारमा पार्टीका तर्फबाट क-कसलाई मन्त्री बनाउने भन्ने विषयमा छलफल नभएको बताएका छन्। नेपाल क्लिक्ससँग कुराकानी गर्दै महामन्त्री थापाले यस्तो बताएका हुन्।
‘सभापतिले प्रधानमन्त्रीसँग कुराकानी गर्नु भएको हुन सक्छ। तर नेपाली कांग्रेस पार्टीमा भने मन्त्री कसलाई बनाउने भन्ने विषयमा छलफल भएको छैन,’ महामन्त्री थापाले भने।
मन्त्रीका विषयमा पार्टीमा छलफल नभएपनि सभापति शेरबहादुर देउवाले क-कसलाई पार्टीको प्रतिनिधित्व गराएर मन्त्री बनाउने भन्ने विषयमा गृहकार्य गरेको हुन सक्ने उनको आशय छ। उनका अनुसार वर्तमान सरकारमा सहभागी हुँदा नेपाली कांग्रेसले कति वटा मन्त्रालय पाउने भन्ने विषय नै टुंगो नलागेकाले मन्त्रीका विषमया छलफल हुन नसकेको हो।
‘सभापतिले अहिलेसम्म नम्बर फाइनल भएको छैन भन्नुभएको छ। नम्बर फाइनल भएपछि नामका विषयमा कुराकानी गरौँला भन्नुभएको छ। त्यसैले नामका विषयमा पार्टीमा कुराकानी हुन नसकेको हो, त्यतातर्फ छलफल गएकै छैन,’ उनले भने।
प्रधानमन्त्री पुष्पकमल दाहाल प्रचण्डले केही दिनमा नै सरकार विस्तार हुने बताएका छन्। चैत ६ गते प्रतिनिधि सभामा आफूलाई विश्वासको मत दिएका सबै दललाई समावेश गरी मन्त्रिपरिषद् विस्तार गर्ने उनको योजना छ।
मन्त्री बनाउनेलगायतका विषयमा छलफल गर्नका लागि नेपाली कांग्रेसले मंगलबार बिहान केन्द्रीय कार्यसम्पादन समितिको बैठक बोलाएको छ। समितिले मन्त्रीका विषयमा निर्णय गर्न सक्ने आकलन छ।
प्रधानमन्त्री राहत कोषमा १८ अर्ब १३ करोड
बैंकक उडे ऊर्जामन्त्री, यस्तो छ कार्यतालिका
लुम्बिनी विकास कोषको उपाध्यक्षमा आनी छोइङ डोल्मा नियुक्त
चार वर्षभित्र नागरिकका प्रश्नको चित्तबुझ्दो जवाफ दिने कांग्रेस बनाउँछु : सभापति थापा
जीबी राईले भने- ‘नेपाल फर्कन तयार छु, रवि र छविलाई जोड्नु उचित होइन’
जहाँ संकट, त्यहाँ अम्बिका
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
साउदीमा हुथी आक्रमणः कच्चा तेलको भाउ बढेर पुग्यो ब्यारेलको ११३ डलर माथि
