रातभर खुला सडकमै मिटरब्याज पीडित, बालुवाटार र संसद् भवन घेराउको कार्यक्रम
Untitled
काठमाडौँ- काठमाडौँ महानगरपालिकाले खुलामञ्चमा प्रवेश गर्न नदिएपछि १२ दिन हिँडेर आइपुगेका मिटरब्याज पीडित रातभर सडकमा नै बस्न बाध्य भएका छन्। सोमबार खुलामञ्च प्रवेश गर्न लागेका पीडितलाई महानगर प्रहरीले प्रवेश नदिएपछि सडकमा नै बस्न बाध्य भएका हुन्।
बर्दिवासबाट पैदलै काठमाडौं आएका मिटरब्याज पीडितलाई खुलामञ्चमा प्रवेश गर्न नदिइएपछि सोमबार रातभर खुलामञ्चमा बस्न बाध्य भएको अभियन्ता कुमार बर्तौलाले जानकारी दिए। उनका अनुसार पीडितहरू खुलामञ्चको पश्चिमी गेटबाहिरै बसेका थिए।
‘रातभर खुलामञ्चको पश्चिमी गेटबाहिरै पीडितहरू बस्न बाध्य भए,’ उनले भने, ‘माइतीघर मण्डला या खुलामञ्चमा बस्ने भनेका थियौं। तर उहाँहरूले दुवै ठाउँमा बस्न दिनुभएन।’
मंगलबार बिहान प्रधानमन्त्री निवास बालुवाटारतर्फ पीडितको मार्चपास हुन लागेको बर्तौलाले जानकारी दिए। आज संसद भवन पनि मार्चपास लिएर जाने कार्यक्रम छ।
‘अब मार्चपास बालुवाटार जान लागेको छ। दिउँसो संसद् भवन जाने कार्यक्रम छ,’ बर्तौलाले नेपाल क्लिक्ससँग भने, ‘कहाँकहाँ अवरोध हुन्छ थाहा छैन। अवरोध भएन भने सिंहदरवार हुँदै नयाँ बानेश्वर जाने कार्यक्रम छ।’
११ दिनसम्म हिँडेर आइतबार काठमाडौं आइपुगेका पीडितले बिहान मातातीर्थमा खाना खाएर खुलामञ्च आएका थिए। खुलामञ्चमा प्रवेश गर्न महानगर प्रहरीले रोक लगाएपछि तनावको अवस्था सिर्जना भएको थियो। उनी उनीहरू रातभर सडकमै बसे।
उता काठमाडौँ महानगरपालिकाका मेयर बालेन साहले फेसबुमा स्टाटस लेख्दै पीडितलाई पशुपति धर्मशालामा बस्ने प्रबन्ध मिलाए पनि नमानेको दाबी गरेका छन्। अभियानमा आफ्नो ऐक्यबद्धता भएको र यस्तो अवस्थामा कसैले पनि काठमाडौँ आउन नपरोस् भन्ने उनको स्टाटसमा उल्लेख छ। यद्यपि खुलामञ्चमा बस्न नदिएको विषयमा उनले उल्लेख गरेका छैनन्।
खुलामञ्च जनताको आवाज उठाउने ठाउँ भएकाले पनि यो ठाउँ खुला रहनुपर्ने पीडितको भनाइ छ।
गत वर्ष २८ जेठदेखि १४ दिन र साउन १८ देखि ४७ दिन गरी दुई चरणमा ६१ दिन मिटरब्याजपीडितहरू काठमाडौँ आई धर्ना बसेका थिए। धर्ना बसेपछि सरकारले असोज १ गते उनीहरुसँग सम्झौता गरेको थियो। सम्झौतामा गृह मन्त्रालयले सुदखोरहरूको सम्पत्ति छानबिन गर्ने, पीडितलाई राहत प्रदान गर्ने उल्लेख थियो। तर उक्त सम्झौता कार्यान्वयन नभएको भन्दै पीडितहरू राज्यको ध्यान आकर्षण गर्न मधेशदेखि पैदलै काठमाडौँ आइपुगेका हुन्।
५ बुँदे मागसहित लघुवित्त पीडितहरू दुई दिनदेखि आमरण अनसनमा
विश्वप्रसिद्ध गढीमाई मन्दिरमा चोरी: चाँदीको मुकुट र सुनका गहनासहित बहुमूल्य सामग्री गायब
११ करोड २१ लाखमा बनेको देवघाटको शवदाहगृह पीपीपी मोडलमा सञ्चालन गरिने
४ करोड खर्चेर ललितपुरको २१ नम्बर वडामा हुँदैछन् यी कामहरू
सुनसरीको देवानगन्जमा कर्फ्यु कायमै
सिमरामा २ अर्ब लगानीमा पाँचतारे होटल ‘अन्नपूर्ण भिस्टा’ बनाउँदै क्याप्टेन रामेश्वर थापा
उडानको तयारीमा डलर अर्बपति अदानीः धेरै एयरलाइन्स असफल भएको भारतमा चम्किलान्?
बहुराष्ट्रिय कम्पनी सूर्य नेपालको चुरोट व्यापार बढ्दो, एक वर्षमा साढे ३२ अर्बको कारोबार
मध्यपूर्वमा सैन्य तनावले तेल बजार प्रभावित, विश्व अर्थतन्त्र जोखिममा पर्ने चेतावनी
अबको १० वर्षमा पैसाको कुनै महत्त्व रहन्न: एलन मस्क
