एम्पीयरका दुई भेरियन्टमा नयाँ स्कुटरको बुकिङ खुला, कति छ मूल्य ?

काठमाडौं–  नेपालमा एम्पीयरका नयाँ स्कुटरहरुको बुकिङ खुला गरिएको छ । ग्रीभ्स कपास एण्ड कम्पनीको छाता अन्तर्गत रहेको एम्पीयर, एक प्रतिष्ठित उप–ब्रान्डले भारतभर १० हजार भन्दा बढी ग्राहकले यो इलेक्ट्रिक मोबिलिटी खरिद गरिसकेका छन् । कम्पनीले इलेक्ट्रिक मोबिलिटीमा आफ्नो प्रतिबद्धताका लागि प्रख्यात, एम्पीयरले अब नेपालमा पनि यी स्कुटरहरुको बुकिङ खुला गरेको हो ।

केडिया इन्टरनेशनल प्रा.लिले नेपालमा एम्पीयर (बाइ ग्रीभ्स इलेक्ट्रिक मोबिलिटी) इलेक्ट्रिक स्कुटरका लागि आधिकारिक वितरकको भूमिका निर्वाह गरेको छ । यो साझेदारीले नेपाली बजारमा एम्पियरको आगमनलाई थप उचाइमा पुर्याउने कम्पनीको विश्वास छ । यस स्कुटरहरु आकर्षक डिजाइन, उल्लेखनीय दायरा, र आकर्षक सुविधाहरू, सबै किफायती मूल्यहरूमा बुकिङ खुलाएको हो ।

नेपाली दर्शकहरूका लागि यसका दुई भेरियन्टका स्कुटर मोडलहरू छन् । एम्पीयर प्राइमस र एम्पीयर म्याग्नस मोडलका इलेक्ट्रिक स्कुटरहरु पाउन सकिने कम्पनीले जनाएको छ । कम्पनीका अनुसार एम्पीयर प्राइमसको मूल्य ३ लाख ५९ हजार ९९९ रुपैयाँ कायम गरिएको छ भने एम्पीयर म्याग्नसको बिक्रि मूल्य २ लाख ९९ हजार ९९९ रुपैयाँ कायम गरिएको छ ।