पोल्यान्डमा नेपाली दूतावासको घुम्ती सेवा सुरु
नेपाल क्लिक्स
वार्सा (पोल्यान्ड)- नेपाली दूतावास जर्मनीले पोल्यान्डको राजधानी वार्सामा नेपालीहरूका लागि तीनदिने घुम्ती सेवा सुरु गरेको छ। अप्रिल १ देखि सुरु भएको घुम्ती सेवा अप्रिल ३ सम्म रहने छ।
घुम्ती सेवामा दूतावासबाट उपलब्ध सेवाहरू, श्रमिक सचेतना, श्रमिक गुनासो सुन्ने तथा एनआरएनए पोल्यान्डले पोल्यान्डमा तिरेको व्यक्तिगत आयकर (पीआईटी)बारे सहजीकरण गर्ने कार्यक्रम छ।
सन् २०२४ मार्च ३१ सम्म म्याद भएका राहदानी नवीकरण तथा नयाँ विद्युतीय राहदानी (ई-पासपोर्ट) को लागि आवेदन फारम र बायोमेट्रिक संकलन गर्न घुम्ती सेवा सञ्चालन भएको नेपाली दूतावास जर्मनीबाट कन्सुलर मेडिएटर प्रेम भण्डारीले जानकारी दिए।
घुम्ती टोलीका लागि नेपाली दूतावास जर्मनीले एनआरएनए पोल्यान्डलाई स्थानको प्रबन्ध मिलाउन अनुरोध गरेको थियो। सोअनुसार वार्सास्थित म्यारिट होटलपछाडि टाइटस चाउविन्स्की -८ को १०औं तलामा घुम्ती सेवा सुरु भएको एनआरएनए पोल्यान्डका महासचिव पवन खड्काले बताए। पासपोर्टका लागि हालसम्म १९३ जनाले अनलाइन आवेदन फारम भरेको तथा बायोमेट्रिकको लागि समय लिएको उनले जानकारी दिए। यो संख्या अझै बढ्न सक्ने उनको आकलन छ।
जर्मनीस्थित नेपाली दूतावासले जर्मनीसहित पोल्यान्ड, चेक गणतन्त्र, स्लोभाक गणतन्त्र, हङ्गेरी, रोमानिया, बुल्गेरिया, युक्रेन र भ्याटिकन सिटी (होलीसी)समेत देशहरूमा नेपालीलाई सेवा दिँदै आएको छ।
एनआरएनए स्थापना दिवसः जापानमा एकता, सहकार्य र संस्थागत सुदृढीकरणमा जोड
मलेसियामा सीमित संस्थामार्फत कामदार पठाउने व्यवस्थाप्रति संघको आपत्ति
नेपालसहित ५० देशका नागरिकलाई अमेरिकाद्वारा २० हजार डलरसम्मको भिसा बन्ड अनिवार्य
मलेसियाको रोजगारीमा २५ म्यानपावरलाई मात्र अनुमति दिने व्यवस्था स्वीकार्य छैनः पूर्वअध्यक्ष वाग्ले
घले दम्पतिले दिने भए भोटेकोशीका बाढीपीडित बालबालिकाका लागि ५७ करोड ८५ लाख
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
