भारतसँग नेपाल पराजित
नेपाल क्लिक्स
काठमाडौँ- १९औँ एसियाली खेलकुदअन्तर्गत पुरुष क्रिकेटको क्वाटरफाइनलमा नेपाल भारतसँग पराजित भएको छ।
२०३ रनको लक्ष्य पाएको नेपालले निर्धारित २० ओभरमा ९ विकेट गुमाएर १७९ रन जोडेको हो।
नेपालका लागि दीपेन्द्रसिंह ऐरीले १५ बलमा चार छक्कासहित ३२ र सन्दीप जोराले १२ बलमा ३ छक्कासहित २९ रन बनाए।
कुशल भुर्तेलले २८, कुशल मल्ल २९ र आसिफ शेखले १० रन बनाए।
सोमपाल कामी ७ र गुल्सन झा ६ रन बनाएर आउट भए। कप्तान रोहित पौडेलले ३ रन मात्र जोड्न सके।
भारतका रवि विस्नोई र आभेस खानले नेपालका ३-३ विकेट लिएका थिए भने अर्सदिप सिंहले २ विकेट लिए।
यसअघिको इनिङमा टस जितेर ब्याटिङ रोजेको भारतले निर्धारित २० ओभरको खेलमा ४ विकेट गुमाएर २०२ रन जोड्न सफल भएको थियो।
नेपालका अविनाश बोहराले १६.२ ओभरको बलमा भारतका यशस्वी जैसवालको विकेट लिएका थिए।
यद्यपि जैसवालले ४९ बलमा सय रन बनाएका थिए। उनले ८ चौका र ७ छक्का प्रहार गरेका थिए।
सन्दीप लामिछानेले जितेश शर्मालाई आउट गराएर टिमका लागि तेस्रो विकेट लिएका थिए। ५ बल सामना गरेका जितेश ४ रन बनाएर पेभेलियन फर्किए।
दीपेन्द्र सिंह एरीले भारतीय ब्याटर ऋतुराज गायकवाडलाई आउट गराए। गायकवाड २३ बलमा २५ रनका साथ आउट भए।
सोमपाल कामीले तिलक वर्मालाई आउट गराए। उनले १० बलमा २ रन बनाए।
भारतका शिवम दुवेले २५ र रिंकु सिंहले ३७ रन जोडे।
यसअघि नेपालले भारतसँग टी-२० खेलेको थिएन।
नेपाल समूह ‘ए’ को विजेता हुँदै अन्तिम आठमा पुगेको हो।
भारत, पाकिस्तान, श्रीलंका, बंगलादेश र अफगानिस्तान भने वरीयताका आधारमा सिधा अन्तिम आठमा पुगेका थिए।
आर्या फार्मास्युटिकल्स र नेपाल प्रिमियर लिगबीच तीनवर्षीय सहकार्य
मोइन अलीको अर्धशतकसहित काठमाडौँविरुद्ध जनकपुरको सहज जित
त्रिवि मैदान बाहिर सानो व्यापार, ठूलो राहत : कुमारीको मुहारमा चमक
टस हारेर ब्याटिङ गर्दै पोखरा, मैदानमा दिनेश खरेल र मेहदी हसन
एनपीएलले बढायो होटलहरूको कारोबार
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
