भारतीय पर्यटकले गरे यतिका दुई विमान चार्टर गरेर माउण्टेन फ्लाईट

काठमाडौं– नेपाल भित्रिने संख्याका हिसावले सर्बाधिक पर्यटकहरु भारतबाट नै आउन थालेका छन । असोज २० गते शनिबार भने ८० भन्दा बढी भारतीय पर्यटकले यति एयलाइन्सका दुइवटा जहाज नै चार्टर गरेर माउन्टेन फ्लाईटको आनन्द लिए ।

यति एअरलाईन्सका दुई एटिआर ७२ विमान चार्टर्ड गरेर माउन्टेन फ्लाईट मार्फत नेपालका विभिन्न हिमश्रृखंलाको अबलोकन भ्रमण गरेका हुन् ।

काठमाडौंको ह्यात होटलमा तीन दिने कर्पोरेट कन्फ्रेन्समा सहभागि हुन विभिन्न भारत तथा युएईमा रहेको एकप्सको कार्यालयबाट आएका भारतीय नागरीकहरुले यो माउण्टेन फ्लाईटको अनुभव लिएका हुन् ।

विभिन्न किसिमका घटनाहरुबाट नेपालका हवाई क्षेत्र खस्कँदो अवस्थामा रहेको बेलामा हाईप्रोफाईल भारतीय पर्यटकको यो माउण्टेन फ्लाईटमा रहेको यो विशेष चासोले नेपालको उड्डयन तथा पर्यटन क्षेत्रमा ठूलो सकारात्मक सन्देश प्रवाह गरेको एयरलाइन्स व्यवसायी बताउँछन्।

यसले नेपालको हवाई क्षेत्र माथि विश्वासनियता बढेको छ भने छोटो समयमा पर्यटकीय गन्तब्यको सहज अनुभव हासिल गर्न सकिने माउण्टेन फ्लाईटका बारेमा समेत थप प्रबद्र्धन मिलेको यति एयरलाइन्सले जनाएको छ ।

यो चार्टर अपरेसनको जिम्मा लिएको सस्तो टिकटस् डट कमका एकाउण्ट म्यानेजर मनिस महर्जनले कुनै एकै कम्पनीको अगुवाईमा एकै पटक माउण्टेन फ्लाईटका लागि दुई वटा विमान नै चार्टर भनेको नेपालको यो पहिलो अवसर भएको बताए ।

यसबाट नेपालको पर्यटकीय सम्भवना असिमित भएको प्रमाणित भएको पनि उनले प्रष्ट पारे । यहाँ स्मरणीय छ सस्तो टिकटस् डट कम नेपालको सर्बाधिक ठूलो अनलाईन ट्राभल एजेन्सी पनि हो । नेपाली सिप र प्रविधिमा आधारीत यो अनलाईन ट्राभल एजेन्सीमार्फत सस्तो मूल्यमा जुनसुकै गन्तब्यका लागि टिकट काट्न सकिन्छ भने यसको पोर्टलबाट विभिन्न किसिमका ट्राभल प्याकेज पनि खरिद गर्न सकिन्छ ।

यो चार्टर उडानका लागि यति एअरलाईन्सले छोटो सूचनामा विमान उपलब्ध गराउन सकेकोमा एकप्सका तर्फबाट बृजेस बर्माले यति एअरलाईन्स लाई हार्दिक धन्यबाद दिए । उनले भने, ‘यो उडान मेरा र हाम्रा सबै यात्रुहरुकालागि जीवनकै अविष्मरणीय अनुभव थियो । हामी विश्वको सर्बोच्च शिखर सगरमाथाको यती नजिक थियौं कि त्यो अनुभव शब्दमा बर्णन गर्नै सकिंदैन ।’