आईपीएलमा लखनउविरुद्ध चेन्नईको जित

काठमाडौँ- इन्डियन प्रिमियर लिग (आईपीएल)को सोमबार राति सम्पन्न खेलमा लखनउ सुपर जायन्टविरुद्ध चेन्नई सुपर किंग्सले १२ रनको जित निकालेको छ। चेन्नईमा सम्पन्न खेलमा पहिले बलिङ गरेको लखनउले २१८ रनको लक्ष्य भेट्न नसकेपछि घरेलु टिमले जित निकालेको हो।

टस हारेर पहिले ब्याटिङ गरेको चेन्नईले २० ओभरमा सात विकेट मात्र गुमाएर २१७ रन बनाएको थियो। जवाफमा सात विकेट गुमाएर २०५ रनमा लखनउ समेटिएपछि चेन्नई विजेता बनेको हो।

खेलमा चेन्नईका सबै खेलाडीले उत्कृष्ट प्रदर्शन गरे। म्यान आफ दि म्याच मोइन अलीले १३ बलमा १९ रन बनाए भने रितुराज गायक्बडले ३१ बलमा ५७ रन बनाउँदा डेभोन कोन्वे अर्धसतक बनाउनबाट तीन रनले चुके।

लखनउका मार्क वुड र रवि बिस्नोईले समान ३,३ विकेट गिराएका थिए। जवाफमा लखनौंका केली मायर्सले ५३ र निकोलस पुरनले ३२ रन बनाएका थिए। तर मोइनले चार विकेट गिराउँदै लखनौंलाई लक्ष्य पुरा गर्न दिएनन्। लखनउ र चेन्नईको समान २ अंक छ।