७० लाख खर्चेर भरतपुर अस्पतालमा अक्सिजन प्लान्ट, एनआरएनएले गर्यो हस्तान्तरण
नेपाल क्लिक्स
भरतपुर- गैरआवासीय नेपाली संघ अन्तरराष्ट्रिय समन्वय परिषद् (एनआरएनए) को सहयोगमा चितवनको भरतपुर अस्पतालमा निर्मित अक्सिजन प्लान्ट एक कार्यक्रमका बीच भरतपुर अस्पताललाई हस्तान्तरण गरिएको छ।
करिव ७० लाखको लागतमा एनआरएनएले भरतपुर महानगरपालिका र भरतपुर अस्पतालसँगको सहकार्यमा निर्माण गरेको अक्सिजन प्लान्ट एनआरएनएका महासचिव डा. केशव पौडेलले उद्घाटन गरे।
शुक्रवार आयोजित कार्यक्रममा एनआरएनए महासचिव डा पौडेलले प्लान्टको साँचो अस्पताल व्यवस्थापन समितिका अध्यक्ष राजु पौडेललाई हस्तान्तरण गरेका हुन्।
अस्पतालका मेडिकल सुपरिटेन्डेन्ट डा. कृष्ण पौडेल, अस्पताल व्यवस्थापन समितिका पूर्व अध्यक्ष भोजराज पोखरेल, एनआरएनए अमेरिकाका पूर्व उपाध्यक्ष डिलु पराजुली, अस्पतालमा कार्यरत चिकित्सकहरु, नर्सहरु र कर्मचारी तथा एनआरएनहरुको सहभागिता रहेको थियो।
एनआरएनए महासचिव डा पौडेलले एनआरएनएले नेपालको विभिन्न क्षेत्रमा सामाजिक सेवा भावले सहयोग र सहकार्य गर्दै आएको बताए।
उनले पछिल्लो समय कोरोनाको विपतको अवस्थामा एनआरएनएले नेपालको स्वास्थ्य क्षेत्रमा सहयोग र सहकार्यलाई बढाएको बताए । पेशाले चिकित्सक पौडेलले अक्सिजन प्लान्टको निर्माणपछि नेपालीको ज्यान जोगाउने कार्यमा केही भएपनि योगदान गर्न सकेकोमा खुशी व्यक्त गर्दै यस्ता सामाजिक र मानवीय सेवामा एनआरएनएले सदैव योगदान गर्ने बताए।
महासचिव पौडेलले नेपाल सरकार, स्वास्थ्य मन्त्रालय, भरतपुर महानगरपालिका र भरतपुर अस्पताललाई समेत धन्यवाद ज्ञापन गरे।
पत्रकारहरूमाथि प्रहरीको धरकपड
‘मिनी टिलर’ गोरुको विकल्प बन्दै
चक्रवाती आँधीको प्रभावले हवाई उडान प्रभावित हुन सक्ने, सतर्कता अपनाउन प्राधिकरणको आग्रह
प्रधानमन्त्री विपद् कोषमा कति रकम आयो? कति खर्च भयो? समितिले खोज्यो हिसाब
अर्नब चक्रावत: नारायणगढ–मुग्लिनसहित प्रमुख राजमार्गमा पहिरोको जोखिम
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
