एनआरएनको विश्व महाअधिवेशन आजबाट

काठमाडौं – गैरआवासीय नेपाली संघ (एनआरएन)को विश्व महाधिवेशन आजबाट राजधानमा सुरू हुँदैछ।

एनआरएनएको ११औं अन्तर्राष्ट्रिय महाधिवेशन अन्तर्गत नयाँ नेतृत्व चयन हुने छ।

यसको निर्वाचन प्रक्रिया अघि बढेको छ। एनआरएनको कत्तिक ३ गतेसम्म काठमाडौंमा महाधिवेशन हुँदै छ।

त्यस्तै, कात्तिक २ गते २४ घण्टा अनलाइनबाट मतदान हुने निर्वाचन कार्यतालिका रहेको एनआरएनको निर्वाचन समितिका सदस्य चिरञ्जीवी ढकालले बताए।

एनआरएनएले पहिलोपटक अनलाइन माध्यमबाट मतदान गर्ने व्यवस्था गरेको छ।

अनलाइन मतदान हुने भएकाले मतदाताले मतदान गर्नैका लागि महाधिवेशनस्थल नेपालमा आउनु नपर्ने तर उम्मेदवारले उम्मेदवारी दिन र उम्मेदवारका प्रस्तावक र समर्थकले भने सनाखतका लागि महाधिवेशनस्थल नेपाल अनिवार्य आउनुपर्ने व्यवस्था रहेको उनले बताए।

असोज २९ गतेसम्म उम्मेदवारले प्रस्तावक र समर्थकसहितको सनाखत महाधिवेशनस्थलमै उपस्थित भएर गरिसक्नुपर्ने व्यवस्था गरिएको थियो।

एनआरएनएको महाविधेशनमा अध्यक्षमा बद्री केसी, महेश श्रेष्ठ र आरके शर्माले उम्मेदवारी दिने भएका छन्।

केसी एमाले, श्रेष्ठ कांग्रेस र शर्मा माओवादीनिकट हुन्। उनीहरूले प्यानल बनाएरै उम्मेदवारी दिएका छन्।

महाधिवेशनमा कुल ७४ जना अन्तर्राष्ट्रिय समन्वय परिषद्का पदाधिकारीका लागि निर्वाचन हुनेछन्। कूल मतदाता ४ हजार २२७ जना रहेका छन्।