एनआरएनएमा नयाँ नेतृत्व छान्न मतदान जारी, रविनाको समर्थन महेशलाई
नेपाल क्लिक्स
काठमाडौँ- गैरआवासीय नेपाली संघ (एनआरएनए)को नयाँ नेतृत्व चयन गर्न बुधबार राति १२ बजेदेखि अनलाइन मतदान सुरु भएको छ। एनआरएनएमा मतदान गर्न पाउने ४ हजार २०० मतदाता छन्।
अध्यक्ष पदका लागि बद्री केसी, महेश श्रेष्ठ, आरके शर्मा प्रतिस्पर्धीमा छन्। नेपाली समयानुसार बिहीबार राति १२ बजेसम्म मतदान हुने छ।
यसैबीच संघकी वर्तमान अध्यक्ष रबिना थापाले अध्यक्ष पदका अर्का उम्मेदवार महेश श्रेष्ठलाई समर्थन गर्दै आफ्नो उम्मेदवारी फिर्ता लिएकी छन्।
बुधबार बेलुका एक प्रेस वक्तव्य जारी गर्दै थापाले संघलाई एकताबद्ध गर्न आफूले त्यस्तो निर्णय गरेको जनाइन्।
‘अध्यक्ष पदका उम्मेदवार महेश कुमार श्रेष्ठले आफू निर्वाचित भएको ३ महिनाभित्रै संघलाई एकताबद्ध गर्ने स्पष्ट कार्ययोजना अगाडि सार्नुभएकोले म त्यसको स्वागत र समर्थन गर्दछु,’ रविनाको वक्तव्यमा उल्लेख छ, ‘संघभित्र एकता पक्षधर बलियो बन्नु भनेको संघलाई नै बलियो बनाउनु हो। त्यसैले मैले अध्यक्ष पदका उम्मेदवार श्रेष्ठलाई समर्थन गर्दै आफ्नो उम्मेदवारी स्थगित गर्ने निर्णय गरेको जानकारी गराउन चाहन्छु।’
२०२१-२३ कार्यकालका लागि सहमतिको आधारमा अध्यक्षमा चयन भएकी थापाले निर्वाचित अध्यक्ष भएर दोश्रो कार्यकाल पनि चलाउने बताउँदै उम्मेदवारी दिएकी थिइन्। महेश कुमार श्रेष्ठ र उनको टिमसंग सघन वार्तापछि उनले उम्मेदवारी फिर्ता लिने घोषणा गरेकी हुन्।
आन्दोलनरत चिकित्सक र सरकारबीच ५ बुँदे सहमति
सुनसरीमा भएको घटनाका सम्बन्धमा छानबिन गर्न गठित समितिमा दुई सदस्य थप
५ बुँदे मागसहित लघुवित्त पीडितहरू दुई दिनदेखि आमरण अनसनमा
९ वटा विधेयक संसद्मा पेस गर्न स्वीकृति दिने मन्त्रिपरिषद्को निर्णय, कुन–कुन?
बैंकिङ कसुर मुद्दामा प्रभु बैंककी प्रमुख व्यवसाय अधिकृत रश्मी पन्त पक्राउ
सिमरामा २ अर्ब लगानीमा पाँचतारे होटल ‘अन्नपूर्ण भिस्टा’ बनाउँदै क्याप्टेन रामेश्वर थापा
उडानको तयारीमा डलर अर्बपति अदानीः धेरै एयरलाइन्स असफल भएको भारतमा चम्किलान्?
बहुराष्ट्रिय कम्पनी सूर्य नेपालको चुरोट व्यापार बढ्दो, एक वर्षमा साढे ३२ अर्बको कारोबार
मध्यपूर्वमा सैन्य तनावले तेल बजार प्रभावित, विश्व अर्थतन्त्र जोखिममा पर्ने चेतावनी
अबको १० वर्षमा पैसाको कुनै महत्त्व रहन्न: एलन मस्क
