सिटिजन्स बैंंकका अध्यक्ष प्रवलजङ्ग पाण्डेद्वारा सपथ ग्रहण

काठमाडौं- सिटिजन्स बैंंकका अध्यक्ष प्रवलजङ्ग पाण्डेले पद तथा गोपनीयताको सपथ ग्रहण गरेका छन् । २०८० कात्तिक १ गते बुधवार नेपाल राष्ट्र बैंकमा आयोजित एक कार्यक्रमका बीच सिटिजन्स बैंकका अध्यक्ष प्रवलजङ्ग पाण्डेलाई गभर्नर महाप्रसाद अधिकारीले सपथ ग्रहण गराएका हुन् ।

कार्यक्रममा नेपाल राष्ट्र बैंकका डेपुटी गभर्नर बम बहादुर मिश्र, सुपरभिजन विभागका कार्यकारी निर्देशक देव कुमार ढकाल, रेगुलेसन विभागका कार्यकारी निर्देशक गुणाकर भट्ठ, बैंकका प्रमुख कार्यकारी अधिकृत गणेश राज पोखरेल, कम्पनी सचिव राजेन्द्र लालश्रेष्ठ लगायतको उपस्थिति थियो । सपथ ग्रहण पश्चात कार्यक्रमलाई सम्वोधन गर्दै अध्यक्ष पाण्डेले गर्भनर लगायतउपस्थित सम्मपूर्णलाई धन्यवाद ज्ञापन गरे । बैंकका प्रमुख कार्यकारी अधिकृत श्री पोखरेलले बैंकको वर्तमान स्थिति र आगामी कार्य दिशाको बारेमा प्रकाश पारे ।

गभर्नर अधिकारीले सम सामयिक एवं समग्र बैकिङ्ग क्षेत्रको विषयमा धारण व्यक्त गरे । अध्यक्ष पाण्डे बैंकको १७ औं साधारण सभा पश्चात बसेको सञ्चालक समितिको बैठकद्वारा सर्वसम्मत रुपमा अध्यक्षमा चयन भएका हुन । यस अघि श्री पाण्डेले बैंकको सञ्चालकको हैसियतमा चार वर्ष कार्य गरिकेका छन ।