भूकम्प अपडेट : जाजरकोट र रुकुमपश्चिममा १२८ जनाको मृत्यु
नेपाल क्लिक्स
काठमाडौं – पश्चिम नेपालमा गएको ६.४ म्याग्निच्युडको भूकम्पका कारण १२८ जनाको मृत्यु भएको छ।
शनिबार बिहान प्राप्त विवरणअनुसार जाजरकोटमा ९२ र रुकुमपश्चिममा ३६ जनाको मृत्यु भएको प्रधानमन्त्री पुष्पकमल दाहालको सचिवालयले जानकारी दिएको हो।
केन्द्रीय प्रहरी प्रवक्ता प्रहरी नायब महानिरीक्षक कुबेर कडायतले भने, ‘अहिलेसम्म जाजरकोटमा मात्रै ९२ जनाको मृत्यु भएको विवरण आएको छ।’
उनका अनुसार भूकम्पमा परी घाइते भएका १४० जनाको विवरण प्रहरीलाई प्राप्त भएको छ। तीमध्ये जाजरकोटका ५५ जना र रुकुमपश्चिमका ८५ जना हुन्।
घाइतेहरूको विभिन्न अस्पतालहरूमा उपचार भइरहेको छ।
‘सयौं घरहरू भत्किएका छन्, उद्धार कार्यमा प्रहरी जुटेको छ,’ कडायतले भने।
चौरजहारी बेश क्याम्पबाट राति नै टोली गएको छ। सुर्खेतबाट बिहान नै भूकम्प प्रभावित क्षेत्रमा हिँडेको उनले बताए।
शुक्रबार राति ११:४७ मा जाजरकोटलाई केन्द्रबिन्दु बनाएर ६.४ म्याग्निच्युडको भूकम्प गएको थियो।
पत्रकारहरूमाथि प्रहरीको धरकपड
‘मिनी टिलर’ गोरुको विकल्प बन्दै
चक्रवाती आँधीको प्रभावले हवाई उडान प्रभावित हुन सक्ने, सतर्कता अपनाउन प्राधिकरणको आग्रह
प्रधानमन्त्री विपद् कोषमा कति रकम आयो? कति खर्च भयो? समितिले खोज्यो हिसाब
अर्नब चक्रावत: नारायणगढ–मुग्लिनसहित प्रमुख राजमार्गमा पहिरोको जोखिम
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
