डोटीमा बोलेरो गाडी दुर्घटना हुँदा चार जनाको मृत्यु
नेपाल क्लिक्स
काठमाडौं – डोटीमा बोलेरो गाडी दुर्घटना हुँदा चार जनाको घटनास्थलमै मृत्यु भएको छ।
जिल्ला प्रहरी कार्यालय डोटीका अनुसार धनगढीबाट बाजुरा जाँदै गरेको बोलेरो गाडी आइतबार बिहान दुर्घटनामा परेको हो।
बिहान साढे २ बजे धनगढीबाट बाजुरा जाँदै गरेको ग२च २७७६ नम्बरको बोलेरो शिखर नगरपालिका-६ अन्यौलस्थित केआईसिंह राजमार्गमा दुर्घटना भएको डोटीका प्रहरी उपरीक्षक विष्णुहरि कोइरालाले बताए।
दुर्घटनामा मृत्यु हुनेमा बाजुरा हिमाली गाउँपालिका-५ की २२ वर्षीया राधिका मलाल, सोही ठाउँकी ३२ वर्षीया धनशोभा बुढा, धनशोभाका ६ वर्षीय छोरा कबिन्द्र बुढा र विमला मलालकी ८ महिनाकी छोरी प्रार्थना मल्ल रहेका छन्। विमला मलाल गम्भीर घाइते छिन्।
विमलासहित पाँच जना घाइते छन्। हिमाली गाउँपालिका- ५ का ३० वर्षीय प्रकाश बुढा थापा, २३ वर्षीय खोमबहादुर मलाल, २४ वर्षीय दानबहादुर बुढा र २१ वर्षीय राजबहादुर मलाल घाइते रहेको कोइरालाले बताए।
उनीहरूको शैलेश्वरी अस्पताल दीपायलमा उपचार भइरहेको छ।
उक्त बोलेरो अनियन्त्रित भएर सडकबाट करिब ५०/६० मिटर तल खसेको थियो।
गाडीका चालक बाजुराका गौमुल गाउँपालिका-४ काडाकोटका २९ वर्षीय महेश बुढालाई प्रहरीले नियन्त्रणमा लिएको छ।
पत्रकारहरूमाथि प्रहरीको धरकपड
‘मिनी टिलर’ गोरुको विकल्प बन्दै
चक्रवाती आँधीको प्रभावले हवाई उडान प्रभावित हुन सक्ने, सतर्कता अपनाउन प्राधिकरणको आग्रह
प्रधानमन्त्री विपद् कोषमा कति रकम आयो? कति खर्च भयो? समितिले खोज्यो हिसाब
अर्नब चक्रावत: नारायणगढ–मुग्लिनसहित प्रमुख राजमार्गमा पहिरोको जोखिम
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
