कोपा लिबेर्टोडोरेसको फाइनलमा हारेपछि बोका जुनियर्सका समर्थकले गरे आत्महत्या

काठमाडौं- कोपा लिबेर्टोडोरेसको फाइनमा बोका जुनियर्सको हारका कारण क्लबका २३ वर्षीय समर्थकले आत्महत्या गरेका छन्।

मार्सेलो मोरालेसले क्बल कोपा लिबेर्टोडोरेसको फाइनलमा फुल्मानेन्सेसँग पराजित भएपछि आत्महत्या गरेका हुन्। अर्जेन्टिनी क्लबका समर्थक मार्सेलो प्रहरीमा जागिरे थिए। तर उनी क्बलका कट्टर समर्थक थिए। शनिवार ब्राजिलको माराकान रंगशालामा भएको फाइनलमा बोका जुनियर्स फुल्मानेन्सेसँग २-१ गोलले पराजित भएको थियो।

क्रोनिका टेलिभिजनका अनुसार मार्सेलोले क्लबको हारको पिडालाई हसन सकेनन्, अनि आत्महत्याको निर्णय लिए। उक्त टेलिभिजनसँग कुरा गर्दै मार्सेलोकी आमाले भनेकी छिन्, ‘उनी बोकाका समर्थक थिए। हारको पिडा सहन नसकेर उनले कठोर निर्णय लिए। बोका हार्‍यो भने उनी निकै दुःखी हुन्थे। मार्सेलो पनि मेरो साथमा रहेनन्, मलाई समवेदना दिने कुनै खेलाडी पनि आएनन्।’

मार्सेलोले फाइनलको केही दिन अघि क्लबले उपाधि नजिते आत्महत्या गर्ने धम्की दिएका थिए। तर उनको धम्कीलाई कसैले पनि गम्भीरतापूर्वक लिएका थिएनन्। तर आइतबार बिहानै उनी ओच्छ्यानमा मृत अवस्थामा फेला परेका थिए।

‘मैले छोराले आत्महत्या गर्छ भन्ने सोचेको थिएन्। उसले पितासँग भनेको थियो-यदि बोकाले ४ नोभेम्वरमा जिते भने म आफैंले आफैंलाई मार्नेछु। हामीलाई लाग्यो-उसले मजाक गरिरहेको छ।’

यता फाइनलमा पराजय भोगेपछि क्लबका प्रशिक्षक जर्ज अल्मिरोनले राजिनामा दिएका छन्। बोका जुनियर्सले भने समर्थको मृत्युबारे प्रतिक्रिया जनाएको छैन।