युद्धविरामका पक्षमा हमास, इजरायल प्रतिक्रियाविहीन
नेपाल क्लिक्स
गाजा- हमास समूहका नेता इस्माइल हनियेहले आफूहरु युद्धविरामको पक्षमा रहेको बताएका छन्। उनले युद्धविरामका लागि अन्तिम समझदारीमा पु्ग्न लागिएको समेत उल्लेख गरेका छन्। उनले एएफपीलगायतका समाचार एजेन्सीहरूलाई वक्तव्य पठाएर युद्धविराम समझदारीको नजिक पुगिएको उल्लेख गरेका छन्।
हमासले युद्धविरामको कुरा गरे पनि इजरायली पक्षले भने यो विषयमा कुनै प्रतिक्रिया दिएको छैन। यद्यपि हमासले युद्धविरामको अपिल गरे इजरायलमाथि पनि युद्धविराम गर्नका लागि दबाब पर्नेछ।
कतारी सञ्चारसंस्था अलजजीरा र एएफपीका अनुसार युद्धविराम गरी हमासले बन्धक बनाएकाहरूलाई फिर्ता गर्ने र इजरायली पक्षले पनि जेलमा राखेका प्यालेस्टाइनीहरूलाई रिहा गर्ने विषयम युद्धविराम समझदारीमा उल्लेख हुन सक्नेछ।
अमेरिकी राष्ट्रपति जो बाइडेनले पनि चाँडै युद्धविराम हुने र बन्धकहरु फिर्ता हुने विश्वास व्यक्त गरेका छन्।
अन्तर्राष्ट्रिय रेडक्रस (आईसीआरसी)ले यसअघि पनि युद्धविरामको वातावरण तयार गर्न सक्रिय भएको थियो। उसले पछिल्लो समय युद्धविराम हुने आशा बढेको उल्लेख गरेको छ।
संयुक्त राष्ट्रसंघीय संस्था युनिसेफले युद्धविराम भएको अवस्थामा मानवीय सहायता पुर्याउन आफूहरू तयार रहेको उल्लेख गरेको छ।
गाजामा रहेको इन्डोनेसियाली अस्पतालका प्रमुखले अझसम्म पनि सुटिङका आवाज सुनिइरहेको बताएका छन्। अस्पतालमा ५ सय भन्दा बढी बिरामी छन्।
इजरायली आक्रमणमा परी गाजामा १३ हजार ३ सयभन्दा बढी व्यक्तिको ज्यान गइसकेको छ। अक्टोबर ७ मा हमासले इजरायली क्षेत्रमा आक्रमण गर्दा १२ सयभन्दा बढी व्यक्तिको मृत्यु भएको थियो। सोही दिन हमासले २ सय भन्दा बढी व्यक्तिलाई बन्धक बनाएको छ।
पत्रकारहरूमाथि प्रहरीको धरकपड
‘मिनी टिलर’ गोरुको विकल्प बन्दै
चक्रवाती आँधीको प्रभावले हवाई उडान प्रभावित हुन सक्ने, सतर्कता अपनाउन प्राधिकरणको आग्रह
प्रधानमन्त्री विपद् कोषमा कति रकम आयो? कति खर्च भयो? समितिले खोज्यो हिसाब
अर्नब चक्रावत: नारायणगढ–मुग्लिनसहित प्रमुख राजमार्गमा पहिरोको जोखिम
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
