नेपाल क्लिक्स
काठमाडौँ– युएईबाट नेपाल आएको विमानको शौचालयमा बच्चा फेला परेको छ। युएईको सारजहाबाट त्रिभुवन अन्तराष्ट्रिय विमानस्थल आएको विमानमा नवजात शिशु फेला परेको हो।
यात्रु ओरालिसकेपछि विमानका कर्मचारी शौचालय जाँदा शिशु फेला परेको थियो। जी-९५३६ उडान नम्बरको जहाज काठमाडौंमा ९ बजेर १० मिनेटमा अवतरण गरेको थियो।
त्रिभुवन अन्तर्राष्ट्रिय विमानस्थलका प्रवक्ता सुवास झाका अनुसार बुधबार बिहान काठमाडौं अवतरण गरेको जहाजको शौचालयमा नवजात शिशु फेला परेको पुष्टि गरे। ‘यो घटनापछि प्रहरीले एक महिला यात्रुलाई पक्राउ गरी अस्पताल लगेको छ,’ उनले भने।
विमानका कर्मचारीले प्रहरीलाई खबर गरेपछि प्रहरीले बच्चाकी आमाको खोजी गरेको थियो। पक्राउ परेकी महिला कुवेत रोजगारीमा गएर फर्किएकी महिला भएको प्रहरीले जानकारी दिएको छ।
महिलाले शिशुलाई शौचालयमा जन्म दिएर पानीले फल्स गरेकी थिइन्। शौचालयको प्वालमा अड्किएको र मृत अवस्थामा शिशु फेला परेको थियो।
सुत्केरी महिलालाई सिनामंगलस्थित नेपाल मेडिकल कलेज अस्पतालमा राखिएको छ। आज दिउँसो १२ बजेतिर अस्पतालको इमर्जेन्सीमा ती महिलालाई पुर्याइएको थियो।
अस्पताल स्रोतका अनुसार अस्पतालको गाइनो वार्डमा महिलाको उपचार भइरहेको छ। ८ महिनाको गर्भपछि शिशु जन्मिएको पाइएको छ।
महिलाको उमेर ३० वर्ष रहेको बताइएपनि उनको ठेगाना खुलाइएको छैन।
हेटौँडामा तिहारलक्षित मेला, स्थानीय उत्पादनको प्रवर्द्धनमा जोड
तिहारमा पैसाको व्यवस्थापन कसरी गर्ने? आम्दानी र खर्च सन्तुलित राख्ने ७ उपाय
तिहार र छठमा विद्युत आपूर्ति प्रभावित हुन नदिन नेपाल विद्युत प्राधिकरणको विशेष तयारी
जाइकाले सुरु गर्यो वीपी राजमार्गको पुनर्निर्माण
२८ उजुरीमाथिको सुनुवाइपछि सर्वोच्चमा सिफारिस चारै न्यायाधीशको नाम स्वीकृत
विश्वको तेल भण्डार १८ खर्ब ब्यारेल, मध्यपूर्वको हिस्सा ४८ प्रतिशत बढी
केटीएम हस्पिटालिटी तेस्रो वर्षमा, रोयल टुलिपले तिर्न थाल्यो ऋण
सम्पादकीय: टालाटुलीले तंग्रिन्न अर्थतन्त्र, सरकारसँग ‘म्यासिभ इन्भेस्टमेन्ट प्लान’ खै?
प्रसारण र विद्युत व्यापार: निजी क्षेत्रको अग्निपरीक्षा
लोक बुझिरहेका लोकराज: १ रुपैयाँको भुक्तानीदेखि अर्बौँको कारोबारसम्म
