प्रधानमन्त्री कोशीमा : प्रदेश सांसद र मन्त्री साथमा नलिन पहिचानवादीको चेतावनी

काठमाडौँ-  प्रधानमन्त्री पुष्पकमल दाहाल प्रचण्ड कोशी प्रदेशमा छन्। बिहीबार विराटनगर पुगेका उनको आजको दिन कोशी प्रदेशका विभिन्न कार्यक्रममा सहभागी हुने कार्यक्रम रहेको छ।

नेकपा माओवादी केन्द्रले  ‘जनतासँग माओवादी : विशेष रूपान्तरण अभियान’ अन्तरगत मिक्लाजुङ गाउँपालिका– ५ खोलीटारमा जनसभाको आयोजना गरेको छ। माओवादी केन्द्रका अध्यक्ष समेत रहेका प्रधानमन्त्रीले सभालाई सम्बोधन गर्ने कार्यक्रम रहेको छ। 

सभालाई सम्बोधन गर्न मिक्लाजुङ  पुग्दा कोशी प्रदेशका सांसद र मन्त्री साथमा ल्याए प्रधानमन्त्रीको विरोध गर्ने पहिचानवादीले चेतावनी दिएका छन्। कोशी नामाकरण गरेपछि असन्तुष्ट रहेको पक्षले विभिन्न ठाउँमा आन्दोलन गर्दै आएको छ। प्रदेश मन्त्री र सांसदलाई निषेध गरेको छ।

प्रधानमन्त्री प्रचण्डले आजै  बिहान १० बजे सुनसरीको इनरुवामा नेपाल विद्युत् प्राधिकरणको सब स्टेसनको उद्घाटन गर्ने कार्यक्रम छ। दिउँसो ३ बजे मोरङ व्यापार संघ एक्स्पोको उद्घाटन गर्नेछन्। उनी आजै साँझ काठमाडौं फर्किने छन्।