पूर्व प्रशिक्षकको टिम विरुद्ध गोल वर्षा गरेका हल्यान्डले बनाए दुई किर्तिमान

मंगलबार राति युरोपेली च्याम्पियन्स लिगमा नर्वेजियन युवा स्टार इर्लिङ हाल्यान्डले चमत्कारै गरे। हाल्यान्ड बोरुसिया डर्टमन्डमा हुँदाका प्रशिक्षक मार्को रोस अहिले आरबी लाइप्जिकका प्रशिक्षक छन्। उनै रोसको टिम विरुद्ध हल्याण्डले गोलवर्षा गरे।

हल्यान्डका पाँच गोलले युरोपकै एलिट प्रतियोगितामा दुईवटा कीर्तिमान बनाएको छ। हाल्यान्ड च्याम्पियन्स लिगमा ३० गोल पुरा गर्ने कान्छा खेलाडी बने सँगै सबैभन्दा चाँडो ३० (थोरै खेलमा) गोल पुरा गरे।

यता खेलको अघिल्लो साँझ रोजले नर्वेजियन खेलाडी सिटीमा हुनुले सिटी पहिलेको भन्दा कमजोर भएको भनेर अवश्ववनीय टिप्पणी गरेका थिए। तर खेल सकिँदा उनको प्रतिक्रिया परिवर्तन भइसकेको थियो।

‘हाल्यान्ड पेप ग्वार्डिओलासँग हुनु उनका लागि धेरैनै राम्रो हो,’ खेल सकिएपछि रोजले भनेका छन्। च्याम्पियन्स लिगको गएरातिको खेलमा आरबी लाइप्जिकलाई सुरुमै सिटीले चेतावनी दिएको थियो। पहिलो हाफमै हाल्यान्डले ह्याट्रिक पुरा गरिसकेका थिए। खेलको सुरुआतमै नाथन एकेको लामो पासलाई हाल्यान्डले पोस्टमा प्रहार गर्न खोज्दा डिफेन्डरलाई रक्षा गर्न चुनौती भएको थियो।

त्यसको केही मिनेटमै गोलकिपर जेनिस ब्लासविचले हाल्यान्डको प्रहार रोकेर ओपनिङ गोल बचाएका थिए। यद्यपी खेलको २२ औं मिनेटमा हाल्यान्डले नै पेनाल्टीमार्फत् गोल गरिछाडे। खेलपछि रोजले सिटीले नपाउनुपर्ने पेनाल्टी पाएको बताएका छन्।

च्याम्पियन्स लिगको खेलमा जर्मन टिम लाइप्जिकविरुद्ध हल्याण्डले पाँच गोल गरेको दिन उनको क्लब म्यानचेस्टर सिटी लिगको क्वार्टरफाइनलमा पुगेको छ। उनको पाँच गोल सहयोगमा सिटीले लाइप्जिकविरुद्ध ७–० को जित निकालेको थियो।

यसैगरि अहिले हाल्यान्ड एकै खेलमा पाँच गोल गर्ने सबैभन्दा युवा खेलाडी बनेका छन्। २२ वर्षको उमेरमा नै यो रेकर्ड बनाएका हाल्यान्डले यसअघिका लियोनेल मेस्सी र ब्राजिली फरवार्ड लुई एड्रिअनोको रेकर्डलाई पछि पारेका छन्। तर उनीहरु सबै एकै खेलमा पाँच गोल गर्ने क्लबमा परेका छन्।

नर्वेको राष्ट्रिय टिमका स्ट्राइकर समेत रहेका उनले यो सिजनमा सिटीका लागि सबै प्रतियोगितामा गरेर ३९ गोल गरिसकेका छन्। त्यस्तै, एकै सिजनमा यति धेर गोल गर्ने सिटीका पहिला खेलाडीको कीर्तिमान उनकै नाममा बनिसकेको छ। त्यस्तै एकै सिजनमा उनको पाँच ह्याट्रिक गर्ने उनी एक्ला खेलाडी छन्।

ह्याट्रिक गरेर पाएको बललाई नै प्रेमिका मान्ने हाल्यान्ड युरोपको शीर्ष पाँच लिगमा एकै सिजन अरु ह्याट्रिककर्ता भन्दा तीन ह्याट्रिकले अघि रहेका छन्।

मंगलबार राति लाइप्जिकलाई हराउने क्रममा गुन्डोगनले एक गोल र डिब्रुएनाले एक गोल गरेका थिए। खेलमा रियाद महरेज र ज्याक ग्रिलिसले समान १–१ गोल गरेका थिए।