२४ वर्षपछि प्योङयाङ पुगे पुटिन, एकअर्कालाई आक्रमण गरे मिलेर प्रतिकार गर्ने समझदारी

प्योङयाङ- रुसी राष्ट्रपति भ्लादिमिर पुटिनले उत्तर कोरियाको भ्रमण गरेका छन्। सन् २००० मा पहिलो पटक उत्तर पुटिन कोरियाको भ्रमणमा पुगेका हुन्।

यति लामो समयपछिको यो भ्रमण दुवै देशका लागि विश्वसामु आफ्नो मित्रता कामयै रहेको भनेर देखाउने अवसर बनेको छ।

पुटिनको प्योङयाङ भ्रमणपछि उत्तर कोरियाली नेता किम जोङ उनले युक्रेन युद्धमा रुसलाई पूर्ण समर्थन गर्ने घोषणा गरेका छन्।

यस्तै उत्तर कोरियामाथि आक्रमण गरे रुसले पनि प्रतिकारमा सघाउने सम्झौता भएको अन्तर्राष्ट्रिय मिडियाहरूले उल्लेख गरेका छन्।

दुई नेताबीचको बैठकका विषयमा दक्षिण कोरिया, अमेरिका र युरोपेली संघले ठूलो खतरा देखिरहेका छन्।

दुवै नेतालाई एकअर्काको खाँचो छ। पुटिनलाई युद्ध जारी राख्न गोलाबारुद चाहिएको छ भने उत्तर कोरियाको अर्थतन्त्र कमजोर बनेका कारण निर्यात बढाउन चाहन्छ।

दुवैका स्वार्थ मिलेका कारण दुवै देश एकअर्काका पक्षमा उभिन तयार भएका हुन्।

प्योङयाङमा पुटिनलाई बिहान तीन बजे विमानस्थलमा सैनिकहरूले गार्ड अफ अनर दिएका थिए।

राष्ट्रपति पुटिन र किम जोङका ठूला तस्बिरहरू सँगैसँगै टाँगिएका छन्।

तर यी कामपश्चिमाहरूलाई सताउनका लागि गरिएको विश्लेषण पनि भइरहेको छ।