असरल्ल तार व्यवस्थापन सुरु, प्राधिकरणले तोक्यो १३ रुट

काठमाडौँ– नेपाल दूरसञ्चार प्राधिकरणले तार व्यवस्थापनका लागि १३ वटा रूट तय गरेको छ। असरल्ल तारले सहरी सौन्दर्य बिगारेको र दुर्घटनाको जोखिम बढाएको भन्दै काठमाडौँ महानगरले तार काट्ने तयारी गरेपछि प्राधिकरणले व्यवस्थापनका लागि रुट तय गरेको हो। 

तार व्यवस्थापन कार्यमा सबै इन्टरनेट सेवा प्रदायकलाई अनिवार्य रूपमा सहभागी हुन प्राधिकरणले सूचित गरेको छ। काठमाडौं महानगरले सोमबारदेखि महानगरपालिकाभित्र रहेको पोलका अनावश्यक तार काट्न थालेको छ। महानगरले आज विभिन्न संस्थाहरुसँग बैठक गरी आनावश्यक तार काट्ने सहमति भएको महानगरपालिकाले जानकारी दिएको छ।

महानगरले गएको वैसाख ११ गते पोलमा अनावश्यक रहेको तारहरु हटाउनको लागि इन्टरनेट व्यवसायिलाई १५ दिने सूचना जारी गरेको थियो।

तार व्यवस्थापन रुट

• माईतीघरदेखि एयरपोर्ट
• त्रिपुरेश्वरदेखि महाराजगञ्ज
• न्यूरोड – वसन्तपुर हुदैँ असन
• माईतीघर – पुतलीसडक हुदैँ नारायणहिटी
• भद्रकाली – नारायणहिटी – कमलादी हुदैँ रानीपोखरी
• डिल्लीबजार – अनामनगर हुदै BICC Ring
• नक्साल – वालुवाटार हुदैँ शीतलनिवास
• माईतीघर – त्रिपुरेश्वर हुदैँ कलकीं
• लैनचौर – अस्कल – रानिवारी हुदैँ सामाखुशी
• सोह्रखुट्टे – ढल्को – ताहाचल हुदैँ स्वयम्भु
• सिनामंगल – पुरोनो वानेश्वर हुदैँ गौशला
• गौशला– बौद्धनाथ
• कालिमाटी – कुलेश्वर हुदैँ बल्खु