आईसीटी अवार्डका लागि चार विधामा ५० स्टार्टअप तथा इन्नोभेसनको छनोट

आईसीटी अवार्ड २०२६ अन्तर्गत स्टार्टअप तथा इनोभेसनसम्बन्धी चार विधाका ५० सेमिफाइनलिस्ट सार्वजनिक भएका छन्।

अवार्डको ११औँ संस्करणका लागि प्राप्त २३० भन्दा बढी आवेदनबाट दुई चरणको छनोट प्रक्रियामार्फत सेमिफाइनलिस्ट चयन गरिएको आयोजकले जनाएको छ। छनोट हुनेमा स्टार्टअप आईसीटी अवार्डका १०, सोसल इनोभेसनका १०, प्रडक्टका १५ र राइजिङ स्टार इनोभेसनका १५ टिम छन्।

स्टार्टअप विधामा आशिर्वाद केयर, एक्सेलेरेटेड कम्प्युटिङ, फ्युलिङ एम्बिसन्स, गरुडएक्स मल्टिपर्पस, गोमाइगो बुकिङ्स, लुमिनो टेक्नोलोजी, रेफेरो सोलुसन्स, समएक्स इन्क, योद्धा ल्याब र जेलियन्ट कम्पनी छनोट भएका छन्।

सोसल इनोभेसनतर्फ बारबर्दिया एग्रो-मेटेरोलोजिकल मेसेज एन्ड एडभाइजरी सिस्टम, खेल्दै सिक्दै कक्षा, कोपिला भ्याली स्कुल मेकर स्पेस, निदान ईएचआर, रिजेन नेपाल, राइड टु अर्न, सेतु, स्मार्ट पब्लिक ट्वाइलेट्स, वायुदृष्टि–वायुसेना र वेस्ट म्यानेजमेन्ट सिस्टम सेमिफाइनलमा पुगेका छन्।

त्यस्तै, प्रडक्ट विधामा आशिर्वाद केयर, बाइटआउट, सेन्ट्रोनिक्स, दन्त-मेड, एक्साना, आईएमएस डिजिटल लेन्डिङ, आईपी सेवा, काठमाडौं साइटसिइङ, लेख्नुस्, नेपाल एचआरएम, वान बीएनपीएल, अप्ट ईआरपी, प्यागोडा ल्याब्स डीएमएस, पीडीएफ मर्जली र वायुदृष्टि एटमोस छनोट भएका छन्।

राइजिङ स्टार इनोभेसनतर्फ दृष्टिल्याब्स, इभोएमओई, हरित पाठशाला, किड्डीगार्ड, लाइफ लाइन, प्रेडिक्शन अफ प्रेडिक्शन, साक्षी, सेतु, स्काइट्रूप–पी१, सुरक्षा ३६०, स्वर-साथी, सिन्याप्टिक, द कैरोस इन्जिन, ट्राफिक आई र जेलियन्ट सप सेमिफाइनलमा पुगेका छन्।

सेमिफाइनलिस्टहरू आगामी मङ्सिरको पहिलो साता आयोजना हुने स्टार्टअप एन्ड आइडिया फेस्ट तथा ग्रान्ड जुरी सेसनमा सहभागी हुनेछन्। त्यहाँ उनीहरूले आफ्ना उत्पादन तथा नवीनतम अवधारणा प्रस्तुत गर्नेछन्।

उक्त प्रक्रियाबाट प्रत्येक विधाका उत्कृष्ट पाँच छनोट गरिनेछ। त्यसपछि फिल्ड भिजिट र पब्लिक भोटिङमार्फत सर्वोत्कृष्ट छनोट गरिने आयोजकले जनाएको छ।

लिभिङ विथ आईसीटीको मुख्य आयोजनामा हुने ११औँ संस्करणको आईसीटी अवार्डका लागि १६ विधामा ७०० भन्दा बढी आवेदन प्राप्त भएका छन्। व्यक्तिगत तथा संस्थागत विधा र दक्षिण एसियाली स्तरका अवार्डहरूको छनोट प्रक्रिया पनि जारी रहेको आयोजकले जनाएको छ।

अवार्ड सन् २०१६ देखि प्रत्येक वर्ष आयोजना हुँदै आएको छ।