मुगु हिमपहिरो: बेपत्ता खोज्न हेलिकोप्टरबाट घटनास्थल जाँदै सुरक्षाकर्मी

मुगु– च्याखु लेकमा हिमपहिरोमा परी बेपत्ताको खोजीका लागि आज बिहान नेपाली सेनाको हेलिकोप्टबाट सुरक्षाकर्मी घटनास्थल हिँडेका छन्। हेलिकोप्टरमा नेपाल प्रहरी र सशस्त्र प्रहरी बलका विपद् उद्घारकर्मी र बेपत्ता भएकाका आफन्तसहित २० जना रहेको जिल्ला प्रहरी कार्यालयका निमित प्रहरी नायब उपरीक्षक सुदर्शन पन्थीले जानकारी दिए।

२२ वैशाखमै इलाका प्रहरीचौकी मुगुबाट घटनास्थलतर्फ प्रहरी हिँडे पनि अझै घटनास्थलसम्म पुग्न नसकेको बताइएको छ। हिउँ, उच्च हिमाल पार गरेर जानुपर्ने तथा बन्दोबस्तीका सामानको अभावमा त्यहाँ पुग्न कठिनाइ भएको पनि निप्रनाउ पन्थीले बताए।

स्थलमार्गबाट सुरक्षाकर्मी घटनास्थलसम्म पुग्न समय लाग्ने भएपछि गृह मन्त्रालयले हेलिकोप्टरसहित उद्धारकर्मी पठाएको हो। मुगुम कार्मारोङ गाउँपालिकाले यार्सा पाइने पाटन क्षेत्रमा आगामी २४ जेठमा संकलकलाई राजस्व काटेर प्रवेश गराउने सूचना गरिरहँदा जुम्लाको पातारासी गाउँपालिका–२ तल्फी गाउँका १५ स्थानीय अवैध बाटो भएर पाटन हिँडेको जनाइएको छ।

पाटनमा जाँदै गर्दा च्याखु लेकमा २२ वैशाख दिउँसो १ बजे माथिबाट हिमपहिरो आउँदा तारासिंह सार्की ९४००, पुन्न सार्की ९३५० र वीर बोहरा ९३५० बेपत्ता भएको जनाइएको छ।