एमाले सचिव टोपबहादुर रायमाझी निलम्बित
Untitled
काठमाडौँ- नेकपा एमालेले सचिव टोपबहादुर रायमाझीलाई निलम्बन गरेको छ। नेपाली नागरिकलाई नक्कली भुटानी शरणार्थी बनाएर ठगी गरेको आरोप लागेका सचिव रायमाझीलाई पार्टीका सबै जिम्मेवारीबाट निलम्बन गरिएको एमालेले जानकारी दिएको हो।
मुद्दाको अनुसन्धानमा सहयोग पुगोस् भनेर कारबाही प्रक्रिया टुंगो नलागेसम्म रायमाझीलाई निलम्बन गरिएको एमाले महासचिव शंकर पोखरेलले जारी गरेको विज्ञप्तिमा उल्लेख छ।
रायमाझीविरुद्ध प्रहरीले पक्राउ पुर्जी जारी गरेपनि उनी हालसम्म फरार छन्। मंगलबार बसेको एमालेको सचिवालय बैठकले टोपबहादुरलाई अनुसन्धानमा सघाउन आग्रह गर्ने निर्णयसमेत गरको थियो।
नेपाली नागरिकलाई नक्कली भुटानी शरणार्थी बनाएर ठगी गरेको प्रकरणमा प्रहरीले हालसम्म ११ जनालाई पक्राउ गरिसकेको छ ।
पूर्वगृहमन्त्री बालकृष्ण खाँड उनका स्वकीय सचिव नरेन्द्र केसीका साथै काठमाडौं टोखाका रामशरण केसी र झापाका गोविन्द चौधरी मंगलबार पक्राउ परेका हुन् ।
यसअघि यो मुद्दामा ८ जना पक्राउ परिसकेका छन्। नेपाल सरकारका सचिव टेकनारायण पाण्डे, तत्कालीन गृहमन्त्री रामबहादुर थापाका सल्लाहकार इन्द्रजित राई, टोपबहादुर रायमाझीका छोरा सन्दीप छन्। बिचौलियाहरू सानु भण्डारी, केशव दुलाल, सन्देश शर्मा, टंक गुरुङ र सागर राई पनि पक्राउ परेका छन् ।
पक्राउ पुर्जी भएका अझै ९ जना अझसम्म फरार रहेको प्रहरीले जानकारी दिएको छ। एमालेले निलम्बन गरेका सचिव टोपबहादुर रायमाझी र इन्द्रजित राईका छोरा नीरजलगायत छन् ।
प्रधानमन्त्री राहत कोषमा १८ अर्ब १३ करोड
बैंकक उडे ऊर्जामन्त्री, यस्तो छ कार्यतालिका
लुम्बिनी विकास कोषको उपाध्यक्षमा आनी छोइङ डोल्मा नियुक्त
चार वर्षभित्र नागरिकका प्रश्नको चित्तबुझ्दो जवाफ दिने कांग्रेस बनाउँछु : सभापति थापा
जीबी राईले भने- ‘नेपाल फर्कन तयार छु, रवि र छविलाई जोड्नु उचित होइन’
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
