खाणलाई तत्काल निलम्बन गर्न नपर्ने कांग्रेस पदाधिकारी बैठकको निष्कर्ष
Untitled
काठमाडौँ- नक्कली भुटानी शरणार्थी प्रकरणमा पक्राउ परेका पूर्वगृहमन्त्रीसमेत रहेका कांग्रेस केन्द्रीय बालकृष्ण खाणलाई पार्टीले तत्काल कारबाही नगर्ने भएको छ। बिहीबार बसेको कांग्रेस पदाधिकारी तथा पूर्वपदाधिकारी बैठकमा खाणले अनुसन्धानमा सहयोग गरेको निष्कर्ष निकाल्दै तत्काल उनलाई निलम्बन गर्न नपर्ने निष्कर्ष निकालेको हो।
खाणलाई निलम्बन गर्नुपर्ने विषयमा महामन्त्री गगन थापाले प्रस्ताव गरेका थिए। उनको प्रस्तावमा अर्का महामन्त्री विश्वप्रकाश शर्मा र कानुनमन्त्रीसमेत रहेका पार्टीका उपसभापति धनराज गुरुङले समर्थन जनाएपनि सभापति देउवाले कुनै प्रतिक्रिया नदिएको बैठकमा सहभागी एक पदाधिकारीले बताए।
बैठकबाट बाहिरिने क्रममा सहमहामन्त्री जीवन परियारले खाणले अनुसन्धानमा सहयोग गरेको बताए। केन्द्रीय सदस्यबाट निलम्बन गर्न विषयमा छलफल भएपनि तत्काल निर्णय नलिइएको उनको भनाइ थियो।
‘बुटवलबाट काठमाडौँ आएको दोस्रो दिन उहाँलाई निवासबाटै प्रहरीले पक्राउ गरेको छ। उहाँले अनुसन्धानमा सहयोग गर्नु भएको छ। हामीले यो कुरालाई पनि हेर्नुपर्छ,’ परियारले भने। कांग्रेस दोषीलाई उम्काउने पक्षमा नभएको पनि परियारको भनाइ थियो। अदालतको फैसलापछि खाणका विषयमा पार्टीले निर्णय लिने परियारको भनाइ छ।
नेपाली कांग्रेसको विधानअनुसार पदाधिकारी बैठकले मात्र कुनै पनि निर्णय लिन सक्दैन। निर्णयका लागि कार्यसम्पादन समिति वा केन्द्रीय समितिले निर्णय गर्नुपर्ने हुन्छ।
यही प्रकरणमा पक्राउ पुर्जी जारी भएपछि फरार रहेका सांसदसमेत रहेका एमाले सचिव पार्टीका जिम्मेवारीबाट निलम्बन गरिसकेको छ। यसपछि कांग्रेसले पनि खाणलाई निलम्बन गर्ने अपेक्षा गरिएको थियो।
प्रधानमन्त्री राहत कोषमा १८ अर्ब १३ करोड
बैंकक उडे ऊर्जामन्त्री, यस्तो छ कार्यतालिका
लुम्बिनी विकास कोषको उपाध्यक्षमा आनी छोइङ डोल्मा नियुक्त
चार वर्षभित्र नागरिकका प्रश्नको चित्तबुझ्दो जवाफ दिने कांग्रेस बनाउँछु : सभापति थापा
जीबी राईले भने- ‘नेपाल फर्कन तयार छु, रवि र छविलाई जोड्नु उचित होइन’
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
