एनपीएलमा काठमाडौँको पहिलो जित, कर्णाली याक्स ३ विकेटले पराजित
नेपाल क्लिक्स
काठमाडौँ- नेपाल प्रिमियर लिग (एनपीएल)मा काठमाडौं गुर्खाजले पहिलो जित निकालेको छ।
काठमाडौँले बुधबार भएको रोमाञ्चक खेलमा कर्णाली याक्सविरुद्ध तीन विकेटको जित निकालेको हो।
काठमाडौँले १९.३ ओभर खेल्दै ७ विकेटको क्षतिमा कर्णालीले दिएको १५० रनको लक्ष्य भेट्टाएको हो। एनपीएल प्रतियोगितामा काठमाडौँको यो पहिलो जित हो।
काठमाडौँका सुमित महर्जनले नटआउट रहँदै ४० रन बनाए। जेरार्ड इरास्मसले ३८ र करण केसीले २८ रन जोडेका थिए। मिसेल लेभिटले २२ रन बनाउँदा अन्य ब्याटसम्यान चल्न सकेनन्।
यसअघि टस हारेर पहिला ब्याटिङमा परेको कर्णालीले ५ विकेटको क्षतिमा पूरा ओभर खेल्दै १४९ रनको योगफल तयार पारेको थियो।
त्रिवि क्रिकेट मैदानमा भएको खेलमा कर्णालीका शिखर धवनले ७२ रन जोडेपछि राम्रो स्कोरको लक्ष्य दिन टिम सफल भएपनि त्यसलाई काठमाडौँले चेज गरेको हो।
५१ बलमा ४ चौका र ५ छक्कासहित शिखरले नटआउट रहँदै ७२ रन बनाएका थिए। कर्णालीका चाडविक बाल्टनले २१ रन बनाए। बाबर हयातले १३, गुल्सन झाले १२ र जिसान मक्सुदले १४ रन जोडेका थिए।
बलिङतर्फ काठमाडौँका जिरार्ड इरास्मसले २ विकेट लिएका थिए भने करण केसी,नाथन सटर र दीपेश कँणेलले समान एकएक विकेट लिए।
काठमाडौं यसअघि पहिलो खेलमा चितवन राइनोजसँग आठ विकेटले पराजित भएको थियो।
फूल व्यवसाय बढ्दो, वार्षिक ४ अर्बको कारोबार
चक्रवाती आँधीको प्रभावले हवाई उडान प्रभावित हुन सक्ने, सतर्कता अपनाउन प्राधिकरणको आग्रह
मोइन अलीको अर्धशतकसहित काठमाडौँविरुद्ध जनकपुरको सहज जित
प्रधानमन्त्री विपद् कोषमा कति रकम आयो? कति खर्च भयो? समितिले खोज्यो हिसाब
नेप्सेको वृद्धिले पायो निरन्तरता, कारोबार रकम साढे ६ महिनायताकै उच्च
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
