जनकपुरसँग काठमाडौँ ५ विकेटले पराजित

काठमाडौँ– नेपाल प्रिमियर लिग एनपीएलमा जनकपुर बोल्ट्सले काठमाडौँ गोर्खाजलाई ५ विकेटले पराजित गरेको छ।

कीर्तिपुरस्थित त्रिवि क्रिकेट मैदानमा भएको खेलमा टस जितेर ब्याटिङ रोजेको काठमान्डुले १९.३ ओभरमा १०० रन बनाएर दिएको लक्ष्य पछ्याएको जनकपुरले १५.५ ओभरमा ५ विकेट गुमाउँदै लक्ष्य भेट्टाएको हो।

जनकपुरका जेम्स निसमले २७ रन बनाए। हर्ष थाकर नटआउट रहँदै २५ रन बनाए। लाहिरु मिलान्थाले १६, मोहम्मद मोहसिले १३ र अनिल साहले ११ रन बनाए। बाँकी खेलाडीले दोहोरो अंकको रन बटुल्न सकेनन्।

काठमाडौाका करण केसीले दुई विकेट लिएका थिए। दीपेश कँडेल, साहब आलम र इरास्मसले समान एकएक विकेट लिएका थिए।

यसअघि काठमान्डु इनिङमा गेर्हार्ड इरास्मसले २० र कप्तान करण केसीले १९ रन बनाएका थिए। स्टिफन एस्किनाजीले १७ रन बनाए। अन्य खेलाडीले दोहोरो अंक छुन सकेनन्।

जनकपुरका लागि ललित राजवंशी र शेर मल्लले ३ तथा मोहम्मद मोहसिनले २ र अरनिको यादवले १ विकेट लिए।

यसअघि चार खेलमा जित निकालिसकेको जनकपुर आजको खेलमा जित निकाले प्लेअफमा पुग्नेछ।

काठमाडौंलाई प्लेअफमा सम्भावना जीवित राख्न आजको जित महत्वपूर्ण छ।

विरुद्ध काठमान्डु गुर्खाज १०१ रनमा अलआउट भएको छ।