ईसेवाको ‘मेरो डिजिटल देश’ अभियान सम्पन्न, विजेतालाई इमाडोलमा अढाई तल्ले घर उपहार

काठमाडौँ- डिजिटल रेमिट्यान्स सेवा प्रदायक कम्पनी ईसेवा मनी ट्रान्सफरले ‘मेरो डिजिटल देश’ अभियान सम्पन्न गरेको छ। विदेशबाट पैसा पठाउँदा लाग्ने शुल्क कम गरी रेमिट्यान्स बढाउन सञ्चालन गरिएको अभियान सफलतापूर्वक सम्पन्न भएको कम्पनीले जानकारी दिएको हो।

ईसेवाले विदेशबाट आउने वैधानिक रेमिट्यान्सलाई प्रोत्साहन गर्न ‘मेरो डिजिटल देश’ अभियान सार्वजनिक गरेको थियो। अभियानमार्फत विश्वका जुनसुकै मुलुकमा रहेका नेपालीले नेपालमा इच्छाएको व्यक्तिको बैंक खाता वा इसेवा वालेटमा पैसा पठाएका एक जनालाई बम्पर उपहार स्वरुप काठमाडौंमा साढे दुई तलाको घर दिने घोषणा गरेको थियो।

७ असोजदेखि जेठ ६ गतेसम्म रेमिट्यान्स् पठाउने व्यक्तिहरूमध्येबाट गोलाप्रथामार्फत केही दिनमा विजेता सार्वजनिक गरिने कम्पनीले जानकारी दिएको छ। कम्पनीले अभियान अवधिभर हरेक महिना एक जनालाई आकर्षक उपहार दिँदै आएको थियो।

विश्वका दुई सयभन्दा धेरै मुलुकबाट रेमिटेन्स भित्र्याउँदै आएको ईसेवा मनी ट्रान्स्फरले अभियानका विजेतालाई ललितपुरको महालक्ष्मी नगरपालिका वडा नं ४ इमाडोल, बोजेपोखरीमा ३ आना क्षेत्रफलमा बनेको साढे दुई तल्लाको घर प्रदान गर्नेछ।

विदेशबाट नेपालीले पठाउने रेमिट्यान्सको लागत कम गर्न अभियान सफलता पूर्वकसम्पन्न भएको अभियानका विषयमा ईसेवा मनी ट्रान्सफरका प्रमुख कार्यकारी अधिकृत अजेस कोइरालाले जानकारी दिए। ‘अभियानले डिजिटल रेमिट्यान्स्लाई बढाउन हामीलाई थप हौसला मिलेको छ,’ उनले थपे, ‘इसेवा मनी ट्रान्सफरले नेपालीहरुले नेपालमा रेमिट्यान्स पठाउँदा लागत कम गर्न जुन अभियान सुरू गरेको थियो, यसमा हामी सफल भएका छौँ।’

ईसेवा मनी ट्रान्स्फरले परम्परागत शैली तथा डिजिटल माध्यमबाट ईसेवा वालेटका ६० लाखभन्दा बढी प्रयोगकर्ता र कुनै पनि बैंक तथा वित्तिय संस्थाको खातामा रकम पठाउने सेवा प्रदान गर्दै आएको छ। ईसेवाले सेवाग्राहीहरुलाई आफ्ना १२ हजारभन्दा बढी भुक्तानी केन्द्र तथा ईसेवाका १ लाख १२ हजार भन्दा बढी क्यास प्वाइन्ट मार्फत पनि विप्रेषण भुक्तानी सेवा प्रदान गर्दै आइरहेको जानकारी दिएको छ।

सन् २०१९ मा नेपाल राष्ट्र बैंकबाट स्वीकृति प्राप्त ईसेवा मनी ट्रान्सफर डेढ करोडभन्दालाई भुक्तानी सेवा पुर्‍याउन भूमिका खेल्दै आएको एफवान सफ्ट ग्रुपको भगिनी कम्पनी हो।