महालक्ष्मी विकास बैंकको वार्षिकोत्सवमा २९ शाखाले गरे रक्तदान कार्यक्रम

काठमाडौँ- महालक्ष्मी विकास बैंकको वार्षिकोत्सवको अवसर पारेर २९ शाखाले रक्तदान कार्यक्रम सम्पन्न गरेका छन्। वार्षिकोत्सवको अवसरमा बैंकका विभिन्न शाखाले रक्तदान कार्यक्रम गरेका हुन्।

जेठ ७ गतेदेखि २९औँ वर्षमा प्रवेश गरेको बैंकको वार्षिकोत्समा १०३ वटा शाखाहरुमा विभिन्न सामाजिक हितका कार्यक्रम आयोजना गरेका थिए।

यसका साथै सम्पूर्ण कर्मचारीहरुको संस्कृति झल्काउने सांस्कृतिक कार्यक्रम, वित्तीय साक्षरता र्‍याली, सम्पूर्ण शाखा कार्यालयहरुमा केक कटिङ कार्यक्रम, महालक्ष्मी कर्पोरेट क्रिक्रेट लिग-२०२३, शृङ्खला-२ लगायत विभिन्न काार्यक्रमहरुको आयोजना गरिएको थियो।

केन्द्रीय कार्यालयमा दरबारमार्ग शाखाको सक्रियतामा जेष्ठ ५ गते, शुक्रबार रक्तदान कार्यक्रम सञ्चालन गरिएको थियो।

यसका साथै सम्पूर्ण कर्मचारीहरुको संस्कृति झल्काउने साँस्कृतिक कार्यक्रम, वित्तीय साक्षरता र्‍याली, सम्पूर्ण शाखा कार्यालयहरुमा केक कटिङ कार्यक्रम, महालक्ष्मी कर्पोरेट क्रिक्रेट लिग-२०२३, शृङ्खला-२ लगायत विभिन्न काार्यक्रमहरुको आयोजना गरिएको थियो।

काठमाडौंमा र सम्पूर्ण प्रादेशिक कार्यालयका ८ शाखाले जेष्ठ ६ गते, वित्तीय साक्षरताका निम्ति प्रभातफेरी कार्यक्रमसमेत गरेका थिए। प्रभातफेरीमा मोबाईल बैंकिङ्ग, स्मार्ट क्युआर, निक्षेप, कर्जा, विप्रेषण आदिसँग सम्बन्धित प्लेकार्डहरुको प्रयोग गरिएको थियो।

१६ टिमको सहभागितामा महालक्ष्मी कर्पोरेट क्रिक्रेटको दोश्रो शृङ्खलामा जेठ २०, २१ र २२ गते सञ्चालन गरिनेछ। बैंकले देशभर रहेका शाखाहरु मार्फत देशको भौगोलिक र सांस्कृतिक अवस्थाको उजागर गर्न कर्मचारीहरुलाई स्थानिय भेषभूषामा बैंकमा उपस्थित गराएर सांस्कृतिक कार्यक्रम पनि गरेको थियो।

बैंकका प्रमुख कार्यकारी अधिकृत श्री बोधराज देवकोटाले ग्राहकको सन्तुष्टि र संस्थागत सुशासन आत्मसात् गर्दै भविष्यमा अझ सरल, सहज र विश्वसनीय बैकिङ्ग सेवाको पहुँच सारा नेपाली जनतामा पुर्‍याउने प्रतिबद्धता व्यक्त गरेका छन्।