नेपाल क्लिक्स
काठमाडौँ- नेपाल बिमा प्राधिकरण अध्यक्षमा शरद ओझा नियुक्त भएका छन्। मन्त्रिपरिषद्को सोमबारको बैठकले ओझालाई प्राधिकरण अध्यक्षमा नियुक्त गर्ने निर्णय गरेको हो।
ओझा ११ प्रतिस्पर्धीलाई पछि पार्दै अध्यक्ष बनेका हुन्। कृष्णपुर–८, कञ्चनपुरका ओझालाई प्राधिकरण अध्यक्षमा नियुक्त गर्ने निर्णय भएको एक मन्त्रीले जानकारी दिए।
ओझासहित रामशरण पुडासैनी र दामोदर बसौलाको नाम मन्त्रिपरिषदमा सिफारिस भएको थियो। त्यसअघि १२ आवेदकमध्ये प्राधिकरणकै पूर्वअध्यक्ष चिरञ्जीवी चापागाईँ र कमलप्रसाद रेग्मी पनि सर्टलिस्टमा परेका थिए। सर्टलिस्टमा परेका ५ जनाको प्रस्तुतीकरण र अन्तर्वार्ताबाट ओझा, पुडासैनी र बसौला सिफारिस भएका थिए।
अनलाइन समाचार पोर्टल क्लिकमान्डुका पूर्व वरिष्ठ संवाददाता ओझाले त्रिभुवन विश्वविद्यालयबाट व्यवस्थापनमा स्नातकोत्तर र कानुनमा स्नातक गरेका छन्। उनले हिमाल खबर पत्रिका, नेपाली टाइम्स, देशसञ्चार र प्रशासनिक मासिकमा पनि काम गरेका थिए।
ओझा नेपाली कांग्रेसको संस्थापन पक्षसँग निकट छन्। कांग्रेस सभापति एवम् पूर्वप्रधानमन्त्री शेरबहादुर देउवाको गृहजिल्ला डडेल्धुरा ओझाको पुर्ख्यौली थातथलो हो।
कालीमाटीमा तिहारका लागि फूल किन्ने र बेच्नेको चहलपहल (फोटो)
सानो सुरुवात, ठूलो उडान: माधवको फुटपाथको संघर्षदेखि ‘तुफानी’ सफलतासम्म
आज लक्ष्मीपूजा, धनधान्यकी देवी लक्ष्मीको आराधना गरिँदै
आज कुकुर तिहार, कुकुरलाई पूजा गरी मीठा परिकार खुवाएर मनाइँदै
बैंकिङ ठगीबाट बच्न तिहारमा अपनाउनुपर्ने सावधानी
केटीएम हस्पिटालिटी तेस्रो वर्षमा, रोयल टुलिपले तिर्न थाल्यो ऋण
सम्पादकीय: टालाटुलीले तंग्रिन्न अर्थतन्त्र, सरकारसँग ‘म्यासिभ इन्भेस्टमेन्ट प्लान’ खै?
प्रसारण र विद्युत व्यापार: निजी क्षेत्रको अग्निपरीक्षा
लोक बुझिरहेका लोकराज: १ रुपैयाँको भुक्तानीदेखि अर्बौँको कारोबारसम्म
ऋणको माग सुस्त हुँदा पनि बैंकहरूको नाफा कसरी बढ्यो ४५ प्रतिशत?
