जसपा नेपालको केन्द्रीय कमिटी बैठक, अध्यादेशमा पारित गराउन खोजे आन्दोलनमा जाने
नेपाल क्लिक्स
काठमाडौं – उपेन्द्र यादव नेतृत्वको जनता समाजवादी पार्टी नेपालको केन्द्रीय कमिटी बैठक आज सुरु हुँदैछ।
बिहान ११ बजेबाट ललितपुर भोलढोकास्थित ज्यापू प्रज्ञा भवनमा बैठक बस्ने प्रचार प्रसार तथा प्रकाशन विभाग प्रमुख पूर्ण बस्नेतले जानकारी दिए।
बैठकमा भदौदेखि पार्टीले सञ्चालन गरेको ‘जनतासँग जसपा नेपाल, आधारभूत सङ्गठन निर्माण अभियान’ को समीक्षा हुने उनले बताए। बैठकमा पालिका समितिको जिम्मेवारीमा खटाइएका केन्द्रीय अभियन्ताहरूले आ–आफ्नो कार्यक्षेत्रमा भएका कार्यप्रगति विवरणको प्रतिवेदन प्रस्तुत गर्नेछन्।
त्यसैगरी वर्तमान राजनीतिक परिस्थिति, सरकारले ल्याएको अध्यादेश, विधेयकको चर्चा र पार्टीको सङ्गठनात्मक कार्य योजनालगायतका एजेन्डामा बैठक केन्द्रित हुने बस्नेतले बताए।
अध्यादेशमा सहमति नजनाउने
सरकारले ल्याएका ६ वटा अध्यादेश राष्ट्रियसभाबाट पारित गराउन निर्णायक रहेको यस पार्टीले शुक्रबार भूमि अध्यादेश फिर्ता नलिए अरू अध्यादेशमा समेत सहमति जनाउन नसकिने बताएको थियो। साथै सत्तारुढ दल सांसद खरिद-बिक्रीमा लागेको पनि आरोप लगाएको थियो।
जर्बजस्ती अध्यादेश पारित गराउन खोजे आन्दोलनमा जाने अध्यक्ष यादवले घोषणा गरेका थिए।
पार्टी प्रवक्ता मनीष सुमनका अनुसार सरकारले पेलेर अघि बढे सरकारलाई दिइएको समर्थन फिर्ता लिनेसम्मको विकल्पमा पार्टी रहेको बताएका थिए।
प्रधानमन्त्री राहत कोषमा १८ अर्ब १३ करोड
बैंकक उडे ऊर्जामन्त्री, यस्तो छ कार्यतालिका
लुम्बिनी विकास कोषको उपाध्यक्षमा आनी छोइङ डोल्मा नियुक्त
चार वर्षभित्र नागरिकका प्रश्नको चित्तबुझ्दो जवाफ दिने कांग्रेस बनाउँछु : सभापति थापा
जीबी राईले भने- ‘नेपाल फर्कन तयार छु, रवि र छविलाई जोड्नु उचित होइन’
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
