आईजीपीको निर्देशन : जेठ १५ गते हाइ अलर्टमा रहनू, आपसमा झगडा नगर्नू

काठमाडौँ- प्रहरी महानिरीक्षक (आईजीपी) दीपक थापाले दीपक थापाले जेठ १५ गते हाइ अलर्टमा रहेन प्रहरीहरूलाई निर्देशन दिएका छन्। भृकुटीमण्डपस्थित नेपाल पुलिस क्लबमा उपत्यकाका प्रहरी कार्यालय प्रमुखलाई उनले यस्तो निर्देशन दिएका हुन्।

राजनीति व्यवस्था र संविधानविरोधी तत्त्व सल्बलाएको भन्दै यसलाई रोक्न पर्ने भन्दै उनले यस्तो निर्देशन दिएका हुन्। प्रदर्शनका क्रममा हुने कुनै पनि अराजकतापूर्ण गतिविधि सह्य नहुने भन्दै थापाले त्यसका निम्ति सबै प्रहरी युनिटलाई तयारी हालतमा रहन निर्देशन दिए।

पछिल्लो समय प्रहरी कर्मचारीबीच नै कुटपिटको घटना सार्वजनिक भइरहेका विषयमा पनि उनले आपसी कुटपिटमा नउत्रन निर्देशन दिए।

‘पब्लिकको अगाडि ठूलो दर्जाको अफिसरले सानो दर्जाको कर्मचारीमाथि हातपात गर्नु एकदमै मर्यादाहीन र संगठनका लागि लज्जास्पद कुरा हो’, आईजीपी थापाले भने ।

गतसाता नागढुंगा चेकपोष्टमा ट्राफिक इन्स्पेक्टरले तल्लो तहका हातपात गरेको भिडियो भाइरल बनेको थियो।