नेपाल क्लिक्स
काठमाडौँ- बाबुराम भट्टराईसँग फुटेर बनेको नेपाल समाजवादी पार्टी(नेसपा) पनि फुटेको छ। माओवादी केन्द्रसँग अध्यक्ष महिन्द्र राय यादव समूह एकता नगर्ने पक्षमा देखिएपछि सह–अध्यक्ष गङ्गानारायण श्रेष्ठ समूहले माओवादी केन्द्रसँग एकताका लागि तयार भएका हुन्।
यसबारे निर्णय लिन श्रेष्ठ समूहलगायत माओवादी पृष्ठभूमिका नेताहरूले जेठ ११ गते विस्तारित बैठक बोलाएका छन्। केन्द्रीय समितिको बहुमतले पार्टी एकताको निर्णय गर्ने र सिंगो पार्टी माओवादी केन्द्रसँग एकतामा जाने उनले दाबी गरेका छन्। श्रेष्ठका अनुसार दुई पार्टीबिच जेठ १२ गते एकता घोषणा गर्ने तय भएको छ। पूर्व–पश्चिम मध्यपहाडी मार्ग केन्द्रित अभियान अन्तर्गत जेठ १० गतेसम्मको कार्यक्रम सम्पन्न गरेर माओवादी टोली जेठ ११ गते काठमाण्डु फर्केपछि एकता हुने दाबी गरिएको छ।
यसअघि यादव समूहले बिहीबार एक विज्ञप्ति जारी गर्दै नेसपाको नाममा बोलाइएको केन्द्रीय समिति बैठक आधिकारिक नभएको बताएको छ। यद्यपि पार्टीभित्र कुनै विवाद नभएका दुवै पक्षले दाबी गरेका छन्। तर माओवादी र गैरमाओवादी पृष्ठभूमि भनेर पार्टी विभाजनको रेखा कोरिएको नेताहरूले बताउने गरेका छन्।
नेसपाका तत्कालीन अध्यक्ष बाबुराम भट्टराई सहित माओवादीसँग पार्टी एकता गर्ने विषयमा विवाद हुँदा २०८० चैत ३ गते पार्टी विभाजन भएको थियो। विभाजनपछि अर्का अध्यक्ष यादवको नेतृत्वमा नेसपा पुनर्गठन भएको थियो। नेसपामा अहिले १७० केन्द्रीय समिति र २७ सदस्य केन्द्रीय कार्यकारिणी समिति छन्।
भाइटीकाको शुभसाइत कति बेला? कता फर्किने?
‘नरमाइलो’ लाग्छ तिहार
चाैथाे जितसहित सुदूरपश्चिम प्लेअफनजिक
अमेरिकी रक्षामन्त्री हेग्सेथविरुद्ध उनकै दलका एक सांसदले अघि सारे महाभियोग प्रस्ताव
महँगीको असर मिठाई बजारमा, ग्राहक बढे पनि व्यापार खुम्चियो
सानो सुरुवात, ठूलो उडान: माधवको फुटपाथको संघर्षदेखि ‘तुफानी’ सफलतासम्म
केटीएम हस्पिटालिटी तेस्रो वर्षमा, रोयल टुलिपले तिर्न थाल्यो ऋण
सेयरधनीलाई सर्वाधिक लाभांश दिने युनिलिभरको यस्तो छ पाँच वर्षको प्रतिफल
लगानीकर्ता संरक्षण कोषमा १ अर्ब उपयोगविहिन, सेबोन मातहत ल्याउन सम्भव छ?
समस्याग्रस्त कर्णाली विकास बैंकको पछिल्लो अवस्था के छ?
