विधान महाधिवेशनको व्यवस्थापनका एमालेले तोक्यो नेताहरुलाई जिम्मेवारी

काठमाडौं- नेकपा एमालेले भदौमा हुने विधान महाधिवेशनको व्यवस्थापनका लागि नेताहरुलाई जिम्मेवारी तोकेको छ।

हिजो बसेको पार्टी केन्द्रीय सचिवालयको बैठकले विभिन्न नेताहरुलाई महाधिवेशनको व्यवस्थपनको जिम्मेवारी दिएको हो। महासचिव शंकर पोखरेलको अध्यक्षतामा बसेको बैठकले महाधिवेशनका प्रतिनिधीको संख्या यकिन गर्न संगठन विभागलाई जिम्मा दिएको छ। १० औं राष्ट्रिय महाधिवेशनका प्रतिनिधी मध्ये कतिको मृत्यु भयो? कतिले पार्टी छोडे ति सबै बिषय यकिन गर्न संगठन विभागलाई जिम्मा दिइएको केन्द्रीय कार्यालय प्रमुख डा.भिष्म अधिकारीले जानकारी दिए।

यसैगरी स्वास्थ्य क्षेत्रको जिम्मा स्वास्थ्य तथा जनसंख्या विभागका प्रमुख कृष्णगोपाल श्रेष्ठलाई जिम्मा दिइएको छ। महाधिवेशनको स्वयंसेवक परिचालनको जिम्मा पार्टीको जनसंगठन समन्वय संयन्त्रका प्रमुख भानुभक्त ढकाललाई जिम्मा दिइएको छ। यस्तै सचिवालय र खानाको व्यवस्थापन कार्यलय सचिव डा.अधिकारीलाई जिम्मा दिइएको छ। कार्यलयको बैठकले यातायात तथा मञ्च व्यवस्थापनको जिम्मा केन्द्रीय सदस्य विनोद श्रेष्ठको जिम्मा दिएको छ। महाधिवेशनको प्रचारको जिम्मा प्रचार तथा प्रकाशन विभागका प्रमुख राजेन्द्र गौतमलाइ जिम्मा दिइएको छ । यस्तै स्वागत नृत्य सहित विविध साँस्कृतिक कार्यक्रमका लागि केन्द्रीय सदस्य हेमराज राईलाई जिम्मा दिइएको छ।

महाधिवेशनका प्रतिनिधीले आवासको व्यवस्थ आफैं गर्नुपर्ने छ। आवासको व्यवस्थापन गर्न नसक्ने प्रतिनिधीका सम्बन्धित जिल्ला वा प्रदेशका सम्पर्क समन्वय कमिटीले व्यवस्थापन गर्नुपर्ने छ। यसका लागि सो विभागका इन्चार्ज लालबाबु पण्डितलाई जिम्मेवारी तोकिएको छ। विधान महाधिवेशनमा २२सय ७९ जना प्र्रतिनधी रहनेछन्।

एमालेको विधान महाधिवेशन भदौ २० देखि २२ गतेसम्म ललितपुरको गोदावरी स्थित सनराइज हलमा हुदैछ।