बजाजले ल्यायो चेतक ३५०१, यस्ता छन् विशेषता

काठमाडौँ- विश्वकै सबैभन्दा प्रचलित दुई-पांग्रे र तीन-पांग्रे सवारीसाधन निर्माता कम्पनी बजाज अटो लिमिटेडले नेपालमा अत्याधुनिक विद्युतीय स्कुटर चेतक-३५०१ सार्वजनिक गरेको छ। कम्पनीले विद्युतीय मोबिलिटीमा नयाँ बेन्चमार्क सेट गर्दै उक्त मोडलको स्कुटर सार्वजनिक गरेको हो।

यो स्कुटरमा ३.५ किलोवाट आवर ब्याट्री क्षमतासहितको चेतक ३५०१ ले एकपटक चार्ज गर्दा १५३ किमिको अद्वितीय रेञ्ज प्रदान गर्ने कम्पनीको भनाइ छ। यसको फास्ट चार्जिङ प्रविधिले प्रयोगकर्तालाई थप सहजता प्रदान गर्दै स्कुटरलाई ३ घण्टामा ८० प्रतिशतसम्म चार्ज गर्छ।

त्यसैगरी, पूर्ण मेटल बडी र आईपी ६७ वाटर-रेसिस्टेन्स रहेका कारण चेतक ३५०१ ले नेपालको विविध मौसममा पनि भरपर्दो प्रदर्शन गर्छ। यसको नयाँ फ्लोरबोर्ड ब्याट्री डिजाइनका कारण ३५ लिटरको अन्डर-सिट स्टोरेज (ईभी सेग्मेन्टमै सबैभन्दा ठूलो) ले स्पेस र कम्फर्ट दुवै बढाउने कम्पनीको दाबी छ।

यस्ता छन् अन्य स्मार्ट फिचरहरू

• म्याप, म्युजिक कन्ट्रोल, डकुमेन्ट स्टोरेज र कल ह्यान्डलिङसहितको स्मार्ट टीएफटी टचस्क्रिन कन्सोल।
• रिमोट इम्मोबिलाइजेसन, गाइड-मी-होम लाइट, जियो-फेन्सिङ, एन्टि-थेफ्ट र एक्सिडेन्ट डिटेक्सन।

स्कुटर सार्वजनिक कार्यक्रममा बजाज अटो लिमिटेडका एसिया क्षेत्रका उपाध्यक्ष मनीष थपारले भने, ‘नेपालमा चेतक ३५०१ को लन्चले भारतबाहिर पनि विद्युतीय दुई-पांग्रे बजारमा हाम्रो निरन्तर प्रगतिको गतिलाई प्रतिनिधित्व गर्दछ। यो मोडेल क्लासिक चेतकको सुन्दरता र स्मार्ट टेक्नोलोजीको अद्वितीय संयोजन गर्दै आजका प्रविधिमैत्री युवा राइडरहरूका लागि डिजाइन गरिएको हो। यो सुरुवातसँगै हामी नेपालमा ईभी अनुभवलाई उत्कृष्टताको नयाँ आयाम ल्याउन पाउँदा खुसी छौँ।’

त्यसैगरी, गोल्छा ग्रुपका निर्देशक अभिमन्यु गोल्छाले भने, ‘चेतक ३५०१ को पहिलो अन्तर्राष्ट्रिय लन्चको रूपमा हामी बजाज अटोसँग साझेदारी गर्दै चेतक ३५०१ लाई नेपालमा ल्याउन पाउँदा गर्व महसुस गरेका छौँ। यो केवल विद्युतीय मोबिलिटीमा मात्र नभई विश्वकै सबैभन्दा विश्वसनीय अटोमोटिभ ब्रान्डहरूमध्ये एकसँगको लामो समयदेखिको हाम्रो साझेदारीका लागि पनि एक महत्त्वपूर्ण कोसेढुंगा हो। चेतक ३५०१ ले स्मार्ट प्रविधि, गुणस्तर र वातावरणीय जिम्मेवारीको उत्तम मिश्रण प्रदान गर्दछ, जुन नेपाली राइडरहरूसँग गहिरो रूपमा प्रतिध्वनित हुन्छ। हामी विश्वस्त छौँ कि यसले नेपालमा शहरी यात्रालाई पुन: परिभाषित गर्नेछ र सफा, दिगो भविष्यतर्फ परिवर्तनलाई नेतृत्व गर्नेछ।’

विद्युतीय स्कुटर चेतक ३५०१ मूल्य काठमाडौंमा ३ लाख २४ हजार ९ सय रुपैयाँ तोकिएको छ।