सामसङले ल्यायो ग्यालेक्सी ‘ए५७ फाइभजी’ र ‘ए३७ फाइभजी’, अफरसहित प्रि–अर्डर सुरू

काठमाडौंँ: सामसङ नेपालले आफ्नो नयाँ ए सिरिज, ग्यालेक्सी ए५७ फाइभजी र ग्यालेक्सी ए३७ फाइभजी, को पूर्व–अर्डर नेपालमा खुला गरेको छ। यी फोनहरूमा आकर्षक डिजाइन, स्मार्ट क्यामेरा प्रणाली र उन्नत सफ्टवेयर उपकरणहरू समावेश गरिएको छ। कम्पनीका अनुसार नयाँ ए सिरिज विद्यार्थी र दैनिक प्रयोगकर्ताका लागि डिजाइन गरिएको हो, जसले दैनिक कामहरू सहज र प्रभावकारी बनाउँछ।

पूर्व–अर्डर अप्रिल ५ देखि अप्रिल १८, २०२६ सम्म स्टक उपलब्धतासम्म खुला रहनेछ। सामसङ नेपालका वरिष्ठ निर्देशक प्रणयरत्न स्थापित भन्छन् कि नयाँ ए सिरिजले कृत्रिम बुद्धिमत्ता सबै प्रयोगकर्तासम्म पु¥याउने हाम्रो प्रतिबद्धता झल्काउँछ। २४ महिनासम्मको किस्ताबन्दी सुविधा (ईएमआई) थपेर प्रविधिलाई सजिलै पहुँचयोग्य बनाइएको छ।

फोनमा दैनिक जीवनमा प्रयोग गर्न सकिने असम इन्टेलिजेन्स, भ्वाइस ट्रान्सक्रिप्सन, एआई सेलेक्ट, अब्जेक्ट इरेजर, फिल्टर्स र एडिट सजेसन्स जस्ता उपकरणहरू उपलब्ध छन्। ग्यालेक्सी ए५७ फाइभजीमा बेस्ट फेस र अटो ट्रिम जस्ता थप सुविधा पनि छन्। गुगलको सर्कल टु सर्च बहु–वस्तु पहिचानको सुविधा र अपग्रेड गरिएको बिक्स्बी र जेमिनीले प्राकृतिक संवाद सम्भव बनाउँछ।

दुवै फोनमा ५० मेगापिक्सेल मुख्य क्यामेरासहित ट्रिपल क्यामरा सेटअप छ। नाइटोग्राफी र सुधारिएको इमेज सिग्नल प्रोसेसरले कम प्रकाशमा पनि स्पष्ट फोटो र भिडिओ लिन सहयोग गर्छ। ए५७ फाइभजीमा उच्च इमेज प्रोसेसिङ, छिटो शटर स्पीड र अधिक विवरण उपलब्ध छन्।

स्लिम बेजेल, हल्का र पातलो डिजाइनसहित ग्यालेक्सी ए५७ फाइभजी ६.९ मिलिमिटर पातलो छ। ५००० एमएएच ब्याट्रीले दुई दिनसम्म प्रयोग गर्न सकिन्छ। सुपर एमोलेड डिस्प्ले र भिजन बुस्टरले उत्कृष्ट दृश्य अनुभव दिन्छ। आइपी६८ वाटर र डस्ट रेसिस्टेन्स, ६ वर्ष सुरक्षा अपडेट, नक्स भल्ट, सेक्युरिटी ड्यासबोर्ड, प्राइभेट सेयरिङ र थेफ्ट प्रोटेक्सन सुविधा पनि उपलब्ध छन्।

ग्यालेक्सी ए५७ फाइभजीको मूल्य १२ जीबी÷२५६ जीबी मोडलमा ८९,९९९ रूपैयाँ र ८ जीबी/२५६ जीबीमा ८४,९९९ रूपैयाँ रहेको छ। ग्यालेक्सी ए३७ फाइभजी १२ जीबी/२५६ जीबीमा ७९,९९९, ८ जीबी/२५६ जीबीमा ७२,९९९ र ८ जीबी/१२८ जीबीमा ६४,९९९ रूपैयाँमा उपलब्ध हुनेछ। प्रि–अर्डरका लागि ए५७ फाइभजीमा चार हजार रूपैयाँ बराबरको मेमोरी अपग्रेड र ए३७ फाइभजीमा २५ सय रूपैयाँ बराबरको मेमोरी अपग्रेड सुविधा दिइएको छ। २४ महिनासम्मको किस्ताबन्दी सुविधा महिनामा १,७६४ रूपैयाँदेखि सुरु हुनेछ। सीमित समयका लागि विशेष अफरहरू पनि उपलब्ध छन्।