१९ औं एशियन गेम्सका लागि बक्सिङ्गको १३ खेलाडी छनोट

काठमाडौं — यही वर्ष चीनमा आयोजना हुने १९ औं एसियाली खेलकुदका लागि बक्सिङको छनोट सम्पन्न भएको छ। बक्सिङमा महिलातर्फ ६ र पुरुषतर्फ ७ गरी १३ जना छनौटभएको नेपाल बक्सिङ संघले जानकारी दिएको हो।

प्mलाई वैट ५० किलो महिला तौल समुहअन्तर्गत आज भएको खेलमा नक्साल बक्सिङ्ग क्लबका सुस्मा तामाङ्गले यचटुओका अस्मिता दुवाललाई स्पिलट डिसिजन ५ः२को आधारमा पराजित गरेर एसियाली खेलकुदमा आफ्नो स्थान सुरक्षित गरेकी छन्।

५४ किलो तौल समुह महिलातर्फ आर्मीकी मीनु गुरुङ्गले बक्समाण्डुकी अन्जली तेलीलाई ४ः१ को आधारमा पराजित गरेकी थिइन्। त्यस्तै, महिला ५७ किलो तौल समुहमा आर्मीकी चन्द्रकला थापाले नेपाल प्रहरी निशा तामाङलाई युनानिमस ५ः० को आधारमा पराजित गरिन्। उनी पनि एसियाली खेलकुदका लागि छनोट भएकी छन्।

६० किलो महिलातर्फ वाक ओभरको आधारमा एपीएफकी संगिता सुनारले आर्मीकी बर्षा श्रेष्ठलाई पराजित गरिन् भने महिला ६६ किलो तौल समुहमा एपीएफका विनिता थापा मगरले आर्मीकी निरु गुरुङ्गलाई ५ः० को युनानिमस डिसिजनको आधारमा पराजित गरिन।

महिला ७५ केजीमा एपीएफकी सरस्वती राना मगर वियजी भइन्। उनले एपीएफकी मनिता राईलाई पराजित गरेकी थिइन। पुरुषतर्फ ५१ किलो तौल समुहमा यचटुओका रविन थापाले नेपाल प्रहरीका चन्द्रबहादुर थापालाई स्प्लिट डिसिजन ५ः२ को आधारमा पराजित गरेका छन् ।

पुरुषतर्फ नै ५७ किलो तौल समुहमा एचटुओका बुद्ध ग्याम्जो लामाले जित निकाले। उनले ४ः१ को स्प्लिट डिसिजनको आधारमा बोसिगाँउ क्लबका सुलभ मालीलाई पराजित गरेका हुन्।

पुरुष ६३ दशमलव ५ किलो तौल समुहमा जेनेक्सका मौसम राना मगरलाई ५ः० अंकको आधारमा नेपाल प्रहरीका खेलाडी भूपेन्द्र थापा मगरले जीत हासिल गरेका थिए। भूपेन्द्र १३ औं दक्षिण एशियाली खेलकुदका स्वर्ण पदक विजेता खेलाडी हुन्।

पुरुष ७१ किलो तौल समुहमा आर्मीका दिपेश लामाले ४ः१ अंकको आधारमा सुदूरपश्चिमका खेलाडी भरत चन्दलाई पराजित गरेका थिए।

पुरुष ८० किलो तौल समुहमा आर्मीका दिपक श्रेष्ठले बक्समाण्डुका मनोज तामाङ्गलाई वाक ओभरको आधारमा पराजित गरे। पुरुष ९२ किलो तौल समुहमा गण्डकीका दिपक सुनवारले ४ः० को अंकको आधारमा एपीएफका रविन नेपाललाई पराजित गरेका हुन्। ९२ प्लस किलो तौल समुहमा आर्मीका आशिश दवाडी छनोट भए।