एफएनसीसीआईका कार्यकारणी सदस्य अभिज्ञा मल्लको इप्पानको सचिवमा उम्मेदवारी

काठमाडौं। नेपाल उद्योग वाणिज्य महासंघ (एफएनसीसीआई) को कार्यकारणी सदस्य अभिज्ञा मल्ल स्वतन्त्र ऊर्जा उत्पादन संस्था नेपाल (इप्पान) को सचिवमा उम्मेदवारी घोषणा गरेकी छिन्।

जलविद्युत प्रवद्र्धका साथै उनी निर्माण व्यवसायमा पनि संलग्न छिन्। ३ मेगावाटको युनियन हाइड्रोपावर लिमिटेडको अध्यक्ष रहेकी मल्ल ७० मेगावाटको दूधकोसी जलविद्युत आयोजनामा सञ्चालक छिन्।

त्यस्तै ४ मेगावाटको पुवाखोला–१ र २१ मेगावाटको आयुमलनु जलविद्युत आयोजनामा पनि मल्ल सञ्चालक छन्।यस्तै हाइ हिमालयन हाइड्रो कन्ष्ट्रक्सनको पनि सञ्चालन रहेका छन्।

नेपालका लागि अर्मेनिया गणतन्त्रको महावाणिज्य दूत रहेका मल्ल हालै सम्पन्न नेपाल उद्योग वाणिज्य महासंघको निर्वाचनमा कार्यकारीणी सदस्यमा निर्वाचित भएकी छन् ।

मिलेनियम च्यालेन्ज कर्पोरेशन (एमसीसी) अन्तर्गतको एमसीए नेपालमा वैकल्पिक बोर्ड सदस्यसमेत रहेकी मल्लले अष्ट्रेलियाबाट वित्त र व्यवसायिक लेखामा सनातकोत्तर गरेकी छन्।